News January 11, 2025
తొలిరోజు కలెక్షన్లు రూ.186 కోట్లు: ‘గేమ్ ఛేంజర్’ టీమ్
గ్లోబల్ స్టార్ రామ్ చరణ్ హీరోగా తెరకెక్కిన ‘గేమ్ ఛేంజర్’ సినిమా బాక్సాఫీస్‌ను షేక్ చేసింది. తొలిరోజు ప్రపంచవ్యాప్తంగా ఏకంగా రూ.186 కోట్లు (గ్రాస్) వచ్చినట్లు మేకర్స్ తెలిపారు. దీనికి సంబంధించిన పోస్టర్‌ను విడుదల చేశారు. ఇది గేమ్ ఛేంజింగ్ బ్లాక్‌బస్టర్ అంటూ పేర్కొన్నారు. కాగా, ఎన్టీఆర్ దేవరకు తొలి రోజు రూ.172 కోట్లు రాగా, అల్లు అర్జున్ ‘పుష్ప-2’కు రూ.294 కోట్లు వచ్చాయి.
Similar News
News November 28, 2025
మహనీయుల స్ఫూర్తితో ఉన్నత స్థానాలకు ఎదగాలి: ఇన్‌ఛార్జ్ కలెక్టర్
మహనీయుల స్ఫూర్తితో విద్యార్థులు ఉన్నత స్థాయికి ఎదగాలని జిల్లా ఇన్‌ఛార్జ్ కలెక్టర్ గరీమా అగర్వాల్ అన్నారు. సిరిసిల్లలోని గీతా నగర్ ప్రభుత్వ ఉన్నత పాఠశాలలో జిల్లాస్థాయి ఇన్స్పైర్, విద్యా వైజ్ఞానిక ప్రదర్శనను శుక్రవారం ఆమె తిలకించారు. ఈ సందర్భంగా ఇన్‌ఛార్జ్ కలెక్టర్ మాట్లాడుతూ.. సర్ సివి రామన్, అబ్దుల్ కలాం స్ఫూర్తితో విద్యార్థులు ముందుకు సాగాలన్నారు. జిల్లా విద్యాధికారి వినోద్ కుమార్ పాల్గొన్నారు.
News November 28, 2025
ఈ విచిత్రాన్ని గమనించారా?
ప్రపంచంలో చాలా చోట్ల భవనాలు, హోటళ్లు, హాస్పిటల్ బిల్డింగ్స్‌లో 13వ అంతస్తు ఉండదనే విషయం మీకు తెలుసా? ‘ట్రిస్కైడెకాఫోబియా’ వల్ల చాలామంది 13వ అంకెను అశుభంగా భావిస్తారు. ఈ అపోహ వల్ల ఎవరూ 13వ అంతస్తులో ఉండేవారు కాదట. వ్యాపార నష్టం జరగొద్దని నిర్మాణదారులు 13కు బదులుగా 12Aను వేస్తారని వినికిడి. చాలాచోట్ల ICU బెడ్స్‌కి కూడా 13 లేకుండా 14 రాస్తారని వైద్యులు చెబుతున్నారు. మీరు ఇది గమనించారా?
News November 28, 2025
కోస్తా, రాయలసీమలో భారీ వర్షాలు
‘దిత్వా’ తుఫాన్ ప్రభావంతో కోస్తా, రాయలసీమలో రేపు, ఎల్లుండి భారీ వర్షాలు కురుస్తాయని APSDMA వెల్లడించింది. ‘నైరుతి బంగాళాఖాతం, దానిని ఆనుకుని ఉన్న శ్రీలంక తీరంలో తుఫాన్ నెమ్మదిగా కదులుతోంది. గడచిన 6hrsలో 4kms వేగంతో కదులుతూ పుదుచ్చేరికి 420kms, చెన్నైకి 520kms దూరంలో కేంద్రీకృతమైంది. ఎల్లుండి నైరుతి బంగాళాఖాతం ఉత్తర TN, పుదుచ్చేరి, ద.కోస్తా తీరాలకు చేరుకునే అవకాశముంది’ అని ఓ ప్రకటనలో పేర్కొంది.