News May 25, 2024
కేన్స్ అవార్డు అందుకున్న తొలి భారతీయ నటి
ప్రతిష్ఠాత్మక కేన్స్ ఫిలిమ్ ఫెస్టివల్‌లో ఉత్తమ నటి అవార్డు అందుకున్న తొలి భారతీయ నటిగా అనసూయ సేన్‌గుప్తా నిలిచారు. ‘షేమ్‌లెస్’ చిత్రంలో రేణుక పాత్రలో నటనకుగాను ఈ అవార్డు ఆమెను వరించింది. ట్రాన్స్‌జెండర్లు, ఇతర అణగారిన వర్గాల వారికి ఈ అవార్డును అనసూయ అంకితం చేశారు. కాగా 2009లో మ్యాడ్లీ బంగాలీ అనే చిత్రంలో సహాయనటిగా చేసిన అనసూయ ఆ తర్వాత ప్రొడక్షన్ డిజైనర్‌గా మారి అనేక చిత్రాలకు పనిచేశారు.
Similar News
News November 30, 2025
జపం ఇలా చేస్తే ఎక్కువ ప్రయోజనం
జపం చేసేటప్పుడు చాలామంది మనసులోనే భగవంతుడిని మననం చేసుకుంటారు. అలా కాకుండా.. ఇతరులకు వినిపించేలా నామస్మరణ చేసినా కూడా శుభ ఫలితాలుంటాయని పండితులు చెబుతున్నారు. ‘రుద్రాక్ష మాల ద్వారా జపం చేస్తే అనంతమైన ఫలం లభిస్తుందని లింగ పురాణం చెబుతోంది. దర్భముడి, రత్నమాల, పగడాల మాల కూడా జపానికి శ్రేష్ఠమైనవి. ఏ మాలతో జపం చేసినా.. ఏకాగ్రతతో చేస్తేనే ఫలం ఉంటుంది’ అంటున్నారు.
News November 30, 2025
ఉత్తగొడ్డుకు అరుపులు మెండు
ఈ సామెతలో ఉత్తగొడ్డు అంటే పాలివ్వని, పాలు లేని ఆవు (గొడ్డు ఆవు) అని అర్థం. పాలు ఇచ్చే ఆవు ఎప్పుడూ నిశ్శబ్దంగానే ఉంటుంది, కానీ పాలు లేని గొడ్డు ఆవు తరచుగా అరుస్తుంటుంది. అలాగే నిజమైన సామర్థ్యం గల వ్యక్తులు తమ పని తాము చేసుకుపోతారని.. పనికిరాని, పనితీరు సరిగాలేని అసమర్థులే ఎక్కువగా మాట్లాడుతూ తమ గొప్పలు చెప్పుకుంటారని ఈ సామెత తెలియజేస్తుంది.
News November 30, 2025
ఇవాళ భారీ నుంచి అతిభారీ వర్షాలు: APSDMA
AP: ‘దిత్వా’ తుఫాను ప్రభావంతో నేడు పలు జిల్లాలకు APSDMA భారీ వర్షసూచన చేసింది. ప్రకాశం, NLR, KDP, అన్నమయ్య, చిత్తూరు, TPT జిల్లాల్లో భారీ నుంచి అతిభారీ వర్షాలు కురిసే అవకాశం ఉందని చెప్పింది. GNT, బాపట్ల, పల్నాడు, KNL, NDL, అనంతపురం, సత్యసాయి జిల్లాల్లో మోస్తరు నుంచి భారీ.. అనకాపల్లి, కాకినాడ, కోనసీమ, తూ.గో., ప.గో., ఏలూరు, కృష్ణా, NTR జిల్లాల్లో మోస్తరు వర్షాలు కురిసే అవకాశం ఉందని పేర్కొంది.