News January 30, 2025
FLASH: రాచమల్లు తల్లి మృతి
ప్రొద్దుటూరు మాజీ ఎమ్మెల్యే రాచమల్లు శివప్రసాద్ రెడ్డి ఇంట విషాదం నెలకొంది. ఆయన తల్లి రాచమల్లు ముని రత్నమ్మ(82) కన్నుమూశారు. హైదరాబాద్‌లో పెద్ద కుమారుడు కిరణ్ రెడ్డి ఇంట్లో ఉండగా గురువారం ఉదయం ఆమె అస్వస్థతకు గురయ్యారు. ఈక్రమంలో ఆసుపత్రికి తీసుకెళ్తుండగా మార్గమధ్యలో చనిపోయారు. హైదరాబాద్ నుంచి ప్రొద్దుటూరుకు ఆమె భౌతికకాయాన్ని తీసుకురానున్నారు.
Similar News
News January 30, 2025
వేముల: నేత్రదానంతో ఇద్దరు అంధులకు చూపు
నేత్రదానం చేయడం వల్ల ఇద్దరు అంధులకు చూపును ప్రసాదించవచ్చునని నేత్ర సేకరణ కేంద్ర అధ్యక్షుడు రాజు పేర్కొన్నారు. గురువారం వేముల మండలం కొత్తపల్లికి చెందిన చందా మల్లమ్మ అనే వృద్ధురాలు అనారోగ్యంతో మృతి చెందింది. మృతురాలి కుటుంబ సభ్యులు నేత్రదానానికి అంగీకరించడంతో రాజు మృతురాలి ఇంటికి వెళ్లి కార్నియాలను సేకరించి హైదరాబాదులోని డాక్టర్ అగర్వాల్ నేత్రనిధికి పంపించారు.
News January 30, 2025
గాంధీకి తాళ్ల ప్రొద్దుటూరుతో అనుబంధం
జాతిపిత మహాత్మా గాంధీకి కొండాపురం మండలంలోని పలు గ్రామాలతో అనుబంధం ఉంది. అనంతపురం జిల్లా తాడిపత్రి నుంచి పాదయాత్ర చేసిన ఆయన.. బొందలదిన్నె, పాత సుగుమంచిపల్లి, పాత తాళ్లప్రొద్దుటూరు, పాత చౌటుపల్లి, మంగపట్నం మీదుగా కడపకు వెళ్లారని అప్పటితరం మనుషులు చెబుతుంటారు. పాత కొండాపురానికి చెందిన నబీ రసూల్ అనే వ్యక్తి గాంధీతో కలిసి ఉద్యమాల్లో పాల్గొన్నారు.
News January 30, 2025
పథకాలు ఎప్పుడిస్తారు..?: DC గోవిందరెడ్డి
ఎన్నికల సమయంలో సూపర్-6 అంటూ ఊదరగొట్టిన చంద్రబాబు, కూటమి నాయకులు నేడు మేనిఫెస్టో అమలుపై సన్నాయి నొక్కులు నొక్కుతున్నారని ఎమ్మెల్సీ డీసీ గోవిందరెడ్డి మండిపడ్డారు. నీతి ఆయోగ్ నివేదికపై మాట్లాడుతూ.. ‘‘సంక్షేమ పథకాల అమలుకు ఇంకా సంపద సృష్టించాల్సి ఉందని సీఎం అంటున్నారు. 15% పెరిగితే తప్ప పథకాలు అమలు చేయలేమన్నారు. ఆ 15 శాతం సంపద ఎప్పుడు పెరుగుతుందో ప్రజలకు చెప్పాలి’ అని ఆయన కోరారు.