News September 14, 2024
1, 2 అంతస్తుల్లో ఉన్నవారికీ వరద సాయం

AP: రాష్ట్రంలో వరదలతో తీవ్రంగా నష్టపోయిన ప్రజలను ఆదుకునేందుకు ప్రభుత్వం సిద్ధమవుతున్నట్లు తెలుస్తోంది. ఈ నెల 17న వరద ముంపు బాధితులకు పరిహారం ఇవ్వాలని నిర్ణయించినట్లు సమాచారం. గ్రౌండ్ ఫ్లోర్తోపాటు ఫస్ట్ ఫ్లోర్లో ఉన్నవారికి కూడా సాయం అందించాలని భావిస్తున్నట్లు తెలుస్తోంది. ఆపైన ఉన్న అంతస్తుల వారికీ కొంత సాయం చేయాలని యోచిస్తున్నట్లు సమాచారం. అన్నిటినీ పరిగణనలోకి తీసుకుని పరిహారం చెల్లించనున్నారు.
Similar News
News November 30, 2025
విశాఖపట్నం పోర్టులో పోస్టులు

AP: విశాఖపట్నం పోర్ట్ అథారిటీలో 58 అప్రెంటిస్ పోస్టులకు అప్లై చేయడానికి ఇవాళే ఆఖరు తేదీ. బీటెక్, బీఈ, డిప్లొమా ఉత్తీర్ణులైన వారు NATS పోర్టల్లో రిజిస్ట్రర్ చేసుకోవాలి. విద్యార్హతల్లో సాధించిన మెరిట్ ఆధారంగా ఎంపిక చేస్తారు. గ్రాడ్యుయేట్ అప్రెంటిస్కు నెలకు రూ.9వేలు, టెక్నీషియన్ అప్రెంటిస్కు రూ.8వేలు చెల్లిస్తారు. వెబ్సైట్: https://vpt.shipping.gov.in/
News November 30, 2025
పరువు హత్య.. ప్రియుడి మృతదేహంతో పెళ్లి

మహారాష్ట్ర నాందేడ్లో పరువు హత్య జరిగింది. జునాగంజ్కు చెందిన సక్షం టేట్, ఆంచల్ ప్రేమించుకున్నారు. మతాలువేరని యువతి తండ్రి వారి ప్రేమను వ్యతిరేకించాడు. కూతురు మాట వినట్లేదని సక్షంను కిరాతకంగా చంపేశారు. చనిపోయినా అతనే తన భర్త అని ఆంచల్ ప్రియుడి మృతదేహాన్ని వివాహమాడింది. తన ప్రియుడిని హత్య చేసిన తండ్రి, సోదరులను ఉరి తీయాలని ఆమె డిమాండ్ చేస్తోంది. కేసు నమోదు చేసిన పోలీసులు నిందితులను అరెస్టు చేశారు.
News November 30, 2025
పాడి రైతులు అప్రమత్తంగా ఉండాలి

తెలుగు రాష్ట్రాల్లో కురుస్తున్న వర్షాలకు పాడి పశువుల్లో వ్యాధుల ఉద్ధృతి పెరిగింది. చిత్తడిగా మారిన నేలపై గడ్డిని మేస్తున్న పశువులు.. పరాన్నజీవి, ఇతర వైరల్ ఇన్ఫెక్షన్ వ్యాధుల బారిన పడుతున్నాయి. పశువుల్లో మెడ వద్ద వాపు, చర్మం ఊడిపోవడం, మేత తీసుకోకపోవడం, నీరసంగా ఉండటం, నోటి నుంచి చొంగ ఎక్కువగా కార్చడం, శ్వాస తీసుకోవడంలో ఇబ్బంది, జ్వరం వంటి లక్షణాలను గుర్తిస్తే వెంటనే వెటర్నరీ డాక్టరును సంప్రదించండి.


