News October 26, 2024
ఓటమిలోనూ మీ వెంటే: ఫ్యాన్స్
టెస్ట్ సిరీస్ ఓటమితో ట్రోలింగ్స్ ఎదుర్కొంటున్న టీమ్ ఇండియాకు కొందరు ఫ్యాన్స్ బాసటగా నిలుస్తున్నారు. ఓటమిలోనూ మీ వెంటే అంటూ సోషల్ మీడియాలో కామెంట్లు పెడుతున్నారు. వరుస విజయాలు సాధించినప్పుడు ప్రశంసించడమే కాదు.. వరుస పరాజయాలు ఎదురైనప్పుడు కూడా వారికి అండగా నిలవాలని అంటున్నారు. మరోవైపు సొంత గడ్డపై భారత జట్టు సిరీస్ కోల్పోవడాన్ని కొందరు ఫ్యాన్స్ జీర్ణించుకోలేక ఆటగాళ్లపై ఆగ్రహం వ్యక్తం చేస్తున్నారు.
Similar News
News October 26, 2024
స్థానిక సంస్థల ఎన్నికల్లో కాంగ్రెస్‌ను మట్టికరిపిస్తాం: KTR
TG: కొడంగల్‌లోనే కాంగ్రెస్‌పై తిరుగుబాటు మొదలైందని కేటీఆర్ అన్నారు. కొండగల్‌కు చెందిన పలువురు కాంగ్రెస్ నేతలు కేటీఆర్ సమక్షంలో BRSలో చేరారు. ధర్నాలు, రాస్తారోకోలతో రాష్ట్రం అట్టుడుకుతుంటే మంత్రులు విహారయాత్రల్లో ఎంజాయ్ చేస్తున్నారని విమర్శించారు. పదేళ్లు పరుగులు పెట్టిన రాష్ట్ర ఆదాయం తగ్గుతోందని, స్థానిక సంస్థల ఎన్నికల్లో కలిసికట్టుగా పని చేసి కాంగ్రెస్‌ను మట్టికరిపిస్తామని చెప్పారు.
News October 26, 2024
సినిమా ఛాన్స్‌లు రాకపోయినా ప్రశ్నిస్తూనే ఉంటా: ప్రకాశ్ రాజ్
సమాజంలో జరిగే తప్పులను చూస్తూ ఊరుకోలేనని నటుడు ప్రకాశ్ రాజ్ అన్నారు. తాను సినిమా అవకాశాలు కోల్పోయినా ప్రశ్నించడం ఆపనని ఓ ఇంటర్వ్యూలో చెప్పారు. ‘నా కుమారుడి (సిద్ధు) మరణంతో బాధలో కూరుకుపోయా. కానీ నాకు కుటుంబం ఉంది. వృత్తి ఉంది. నాకంటూ మనుషులున్నారు. జీవితం ఉంది. అందుకే తిరిగి నిలబడ్డా. నా టాలెంట్‌ చూసి ప్రజలు ఆదరించారు. వారి ప్రేమ వల్లే ఇంకా నటుడిగా కొనసాగుతున్నా’ అని ఆయన చెప్పుకొచ్చారు.
News October 26, 2024
RTCలో 7,545 ఉద్యోగాలు!
APSRTCలో ఉద్యోగాల భర్తీకి ప్రభుత్వం సిద్ధమైంది. సంస్థలో ఖాళీల వివరాలను ఆర్టీసీ యాజమాన్యం ప్రభుత్వానికి సమర్పించింది. 18 కేటగిరీల్లో 7,545 పోస్టులు ఖాళీగా ఉన్నాయని తెలిపింది. 3,673 రెగ్యులర్ డ్రైవర్, 1,813 కండక్టర్, 579 అసిస్టెంట్ మెకానిక్, శ్రామిక్, 207 ట్రాఫిక్ సూపర్‌వైజర్ ట్రైనీలు, 179 మెకానికల్ సూపర్‌వైజర్ ట్రైనీలు, 280 డిప్యూటీ సూపరింటెండెంట్, 656 జూనియర్ అసిస్టెంట్ పోస్టులు ఉన్నట్లు సమాచారం.