News August 28, 2024
ఎప్పటికీ మీకు కృతజ్ఞుడినై ఉంటా బాబు: లారెన్స్
డాన్స్ మాస్టర్, డైరెక్టర్ రాఘవ లారెన్స్ ఎమోషనల్ ట్వీట్ చేశారు. తనపై నమ్మకం ఉంచి ‘మాస్’ సినిమా తీసేందుకు అవకాశం కల్పించినందుకు నాగార్జునకు ఎప్పటికీ కృతజ్ఞుడినై ఉంటానని తెలియజేస్తూ ఆయనకు బర్త్ డే విషెస్ తెలియజేశారు. ‘20 ఏళ్ల తర్వాత థియేటర్లలో మాస్ రీరిలీజ్ కావడం వల్ల ఈ రోజు నాకు మరింత ప్రత్యేకం. మీకు మంచి ఆరోగ్యం, విజయం లభించాలని ఆ రాఘవేంద్రుణ్ని ప్రార్థిస్తున్నా’ అని ట్వీట్‌లో పేర్కొన్నారు.
Similar News
News January 30, 2025
ఖవాజా ‘RECORD’ డబుల్ సెంచరీ
శ్రీలంకతో జరుగుతున్న తొలి టెస్టులో ఆస్ట్రేలియా ఓపెనర్ ఉస్మాన్ ఖవాజా డబుల్ సెంచరీ చేశారు. 290 బంతుల్లో 16 ఫోర్లు, ఒక సిక్సర్ సాయంతో ద్విశతకం బాదారు. ఈ ఆసీస్ బ్యాటర్‌కు టెస్టుల్లో ఇదే తొలి డబుల్ సెంచరీ కాగా శ్రీలంకలో ఈ ఘనత సాధించిన తొలి ఆస్ట్రేలియన్‌ క్రికెటర్‌గా రికార్డు సృష్టించారు. 38 ఏళ్ల ఖవాజా ఇప్పటివరకు 79 టెస్ట్ మ్యాచుల్లో 5వేలకు పైగా రన్స్ చేశారు. ఇందులో 15 సెంచరీలు, 27 హాఫ్ సెంచరీలున్నాయి.
News January 30, 2025
విమాన ప్రమాదానికి మానవ తప్పిదమే కారణం: ట్రంప్
అమెరికాలో జరిగిన ఘోర విమాన <<15307610>>ప్రమాదంపై<<>> ఆ దేశ అధ్యక్షుడు ట్రంప్ స్పందించారు. మానవ తప్పిదమే ఈ ప్రమాదానికి కారణమని, కంట్రోల్ టవర్ సిబ్బంది వైఫల్యం వల్లే ఇలా జరిగిందని అన్నారు. హెలికాప్టర్ సిబ్బందిని అలర్ట్ చేసి ఉంటే ప్రమాదం తప్పేదని చెప్పారు. ఈ ప్రమాదంలో చనిపోయిన వారిలో ఇప్పటివరకు 19 మంది మృతదేహాలు లభ్యమయ్యాయి.
News January 30, 2025
ఎల్లుండి నుంచి ఆ UPI పేమెంట్స్ పనిచేయవు
ట్రాన్సాక్షన్ IDలో స్పెషల్ క్యారెక్టర్లు(@, #, &) లేకుండా ఆల్ఫాన్యూమరిక్(ఇంగ్లిష్ అక్షరాలు, నంబర్లు)తోనే IDలు జనరేట్ చేయాలని UPI ఆపరేటర్స్‌ను NPCI ఆదేశించింది. లేదంటే FEB 1 నుంచి ఆయా లావాదేవీలు సక్సెస్ కావని వెల్లడించింది. కాగా ఈ ఆదేశాలను పాటించని యాప్స్‌ ద్వారా యూజర్స్ ట్రాన్సాక్షన్ చేయలేరు. ఫేక్ IDలను నివారించడానికి, లావాదేవీలను సులభంగా ట్రాక్ చేయడానికే ఈ నిర్ణయం తీసుకున్నట్లు NPCI తెలిపింది.