News January 29, 2025

ఉగాది నుంచి మహిళలకు ఉచిత బస్సు?

image

AP: కూటమి ప్రభుత్వం త్వరలోనే మహిళలకు శుభవార్త చెప్పనున్నట్లు తెలుస్తోంది. ఉగాది నుంచి RTC బస్సుల్లో ఉచిత ప్రయాణం ప్రారంభించనున్నట్లు సమాచారం. దీనిపై క్యాబినెట్ సబ్ కమిటీ ఓ నివేదికను ప్రభుత్వానికి అందించినట్లు ఆర్టీసీ వర్గాలు చెబుతున్నాయి. వచ్చే నెల 6న జరిగే మంత్రివర్గ సమావేశంలో దీనిపై చర్చించి విధివిధానాలు ఖరారు చేస్తారని తెలుస్తోంది. ఆ తర్వాత పథకం ప్రారంభ తేదీని ప్రకటించనున్నారు.

Similar News

News November 30, 2025

‘సర్’పై వార్.. రేపటి నుంచి పార్లమెంట్

image

శీతాకాలంలో వాడీవేడీ వాదనలకు పార్లమెంట్ సిద్ధమైంది. రేపటి నుంచి DEC 19 వరకు సమావేశాలు కొనసాగనున్నాయి. ప్రధానంగా ఓటర్ల జాబితా ప్రత్యేక సవరణ(SIR)పై కీలక చర్చకు ప్రతిపక్షాలు పట్టుబట్టే అవకాశం ఉంది. ఇవాళ కేంద్రం అఖిలపక్ష భేటీ నిర్వహించనుంది. చర్చించాల్సిన అంశాల అజెండాలను ఖరారు చేయనుంది. సభలో పాటించాల్సిన వ్యూహంపై చర్చించేందుకు రేపు 10AMకు ఇండీ కూటమి నేతలు ఖర్గే నివాసంలో ప్రత్యేకంగా భేటీ కానున్నారు.

News November 30, 2025

iBOMMA రవి కేసు.. మరిన్ని సంచలన విషయాలు

image

TG: పైరసీ వ్యవహారాన్ని తన అసలైన గుర్తింపునకు దూరంగా ఉంచాలని <<18423743>>iBOMMA రవి<<>> ముందుగానే నిర్ణయించుకున్నట్లు పోలీసుల విచారణలో తేలింది. ‘పక్కా ప్రణాళికతోనే రవి ప్రహ్లాద్ పేరుతో పాన్‌కార్డు, డ్రైవింగ్ లైసెన్సుతోపాటు పలు ఫేక్ కంపెనీలను ఓపెన్ చేశాడు. అదే పేరుతోనే 20 సర్వర్లు, 35 డొమైన్లను కొన్నాడు. అలాగే ఫిలిం ఛాంబర్, పోలీసులకు గతంలో పంపిన బెదిరింపు మెయిల్స్‌నూ గుర్తించాం’ అని పోలీసు వర్గాలు వెల్లడించాయి.

News November 30, 2025

మహిళలు తులసి ఆకులు తెంపవచ్చా?

image

శాస్త్రాల ప్రకారం.. తులసిని ఆడవారు కోయకూడదు అని చెబుతారు. అలాగే శుక్రవారం, ఆదివారం, ఏకాదశి, అమావాస్య, పౌర్ణమి రోజుల్లో కూడా తులసి, ఉసిరి పత్రాలను కోయడం నిషిద్ధంగా పరిగణిస్తారు. తులసి మొక్కను నాటడం, తొలగించడం కూడా మగవారే చేయాలట. మగవారు కోసిన తులసితోనే పూజించాలని పండితులు సూచిస్తున్నారు. తులసిని కోసే ముందు నమస్కరించి అప్పుడు కోయడం మంచిదని చెబుతున్నారు. గణపతి, శివ పూజల్లో తులసి నిషిద్ధమని తెలిసిందే.