News May 3, 2024
పథకాలకు నిధుల చెల్లింపులు.. ఈసీకి ప్రభుత్వం లేఖ
AP: పథకాలకు సంబంధించిన నిధులను విడుదల చేసేందుకు ప్రభుత్వం ఎన్నికల సంఘం అనుమతి కోరింది. డీబీటీ చెల్లింపులు చేసేందుకు అనుమతి ఇవ్వాలని లేఖ రాసింది. పథకాలన్నీ ఐదేళ్లుగా అమలవుతున్నవేనని తెలిపింది. కాగా పెన్షన్ల తరహాలోనే డీబీటీ చెల్లింపులను TDP అడ్డుకుంటోందని YCP ఆరోపిస్తోంది. EBC నేస్తం, చేదోడు వంటి పథకాల నిధులను CM జగన్ మార్చిలోనే బటన్ నొక్కి విడుదల చేసినా ఎన్నికల కోడ్ దృష్ట్యా జమ కాలేదు.
Similar News
News November 2, 2025
బిగ్‌బాస్: దువ్వాడ మాధురి ఎలిమినేట్
బిగ్‌బాస్ సీజన్ 9 నుంచి ఈ వారం దువ్వాడ మాధురి ఎలిమినేట్ అయ్యారు. నామినేషన్స్ ప్రక్రియలో మాధురి, సంజన, రీతూ చౌదరి, కళ్యాణ్, తనూజ, రాము, డిమోన్ పవన్, గౌరవ్‌లు ఉన్నారు. ఆడియన్స్ నుంచి అతి తక్కువ ఓట్లు వచ్చిన మాధురి ఎలిమినేట్ అయినట్లు హోస్ట్ నాగార్జున ప్రకటించారు. కాగా వైల్డ్ కార్డ్ ఎంట్రీ ద్వారా మాధురి హౌస్‌లోకి అడుగుపెట్టిన విషయం తెలిసిందే.
News November 2, 2025
హైడ్రాలో BRS అనుకూల అధికారులు: జగ్గారెడ్డి
TG: హైడ్రాపై కాంగ్రెస్ నేత జగ్గారెడ్డి సంచలన ఆరోపణలు చేశారు. కొందరు అధికారులు ప్రభుత్వానికి చెడ్డపేరు తెచ్చి BRSకు లాభం కలిగేలా చూస్తున్నారనే అనుమానం ఉందన్నారు. ‘హైడ్రా అంశాన్ని తెరపైకి తెచ్చి జూబ్లీహిల్స్‌లో నవీన్‌ను ఓడించే కుట్ర జరుగుతోంది. ఎన్నికలప్పుడే KTRకు హైడ్రా ఎందుకు గుర్తుకొచ్చిందో చెప్పాలి. BRS అనుకూల హైడ్రా అధికారుల వల్ల ఎవరైనా నష్టపోతే CM రేవంత్ దృష్టికి తీసుకెళ్తా’ అని చెప్పారు.
News November 2, 2025
నో రిప్లై.. రేపటి నుంచి కాలేజీలు బంద్
TG: ప్రభుత్వం పట్టించుకోకపోవడంతో రేపటి నుంచి ప్రైవేటు కాలేజీల నిరవధిక బంద్ చేపట్టాలని యాజమాన్యాలు తాజాగా మరోసారి చర్చించి నిర్ణయం తీసుకున్నాయి. రూ.900 కోట్లు విడుదల చేస్తామని హామీ ఇచ్చి రూపాయి కూడా విడుదల చేయలేదని ఆరోపించారు. ఈ నెల 4న మంత్రులకు రిప్రజెంటేషన్ ఇస్తామని, 6న లక్ష మంది ప్రైవేటు కాలేజీల సిబ్బందితో సభ జరుపుతామని, 10న పది లక్షల మంది విద్యార్థులతో లాంగ్ మార్చ్ నిర్వహిస్తామని చెప్పారు.