News March 31, 2025
GDK: వైద్యానికి ₹18 లక్షలు.. అయిన ప్రాణం నిలువలేదు!
గోదావరిఖని మాతంగి కాలనీకి చెందిన నవీన్ కుమారుడు దేవాన్ష్ ఇటీవల ఫిట్స్ రావడంతో HYDరెయిన్‌బో హాస్పిటల్లో చేర్పించారు. చికిత్స పొందుతూ మరణించాడు. అప్పటికే దాదాపు ₹18 లక్షలు ఖర్చు అయ్యాయి. అయితే హస్పిటల్ యాజమాన్యం మరో ₹ 5 లక్షలు కడితేనే మృతదేహాన్ని అప్పగిస్తామని పేర్కొంది. దీంతో మృతుని తండ్రి MLAరాజ్ ఠాకూర్ దృష్టికి తీసుకొచ్చారు. ఆయన ఆసుపత్రి యాజమాన్యంతో మాట్లాడి డెడ్ బాడీ ఇప్పించారు.
Similar News
News April 4, 2025
ఈ నెల 7 నుంచి ఎన్టీఆర్ వైద్య సేవలు బంద్
AP: ఈ నెల 7 నుంచి రాష్ట్రంలోని అన్ని నెట్‌వర్క్ ఆస్పత్రుల్లో NTR వైద్య సేవలను నిలిపేస్తున్నట్లు ఏపీ స్పెషాల్టీ హాస్పిటల్స్ అసోసియేషన్ తెలిపింది. ప్రభుత్వం నుంచి రూ.3,500 కోట్ల బకాయిలు రావాలని, దీంతో ఆస్పత్రుల నిర్వహణ చేయలేకపోతున్నామని వెల్లడించింది. గతేడాది ఏప్రిల్ బకాయిలు కూడా ఇవ్వలేదని, చేసిన అప్పులు తీర్చలేకపోతున్నామని పేర్కొంది. ప్రభుత్వం స్పందించి రూ.1,500 కోట్లు మంజూరు చేయాలని కోరింది.
News April 4, 2025
IPL: నేడు లక్నోతో ముంబై అమీతుమీ
IPLలో ఇవాళ మరో ఆసక్తికర పోరు జరగనుంది. రాత్రి 7.30 గంటలకు లక్నో వేదికగా ముంబై, లక్నో మధ్య మ్యాచ్ జరగనుంది. తమకు అలవాటైన రీతిలోనే MI తొలుత వరుసగా మ్యాచులు ఓడింది. కానీ సొంతగడ్డపై KKRను చిత్తు చేసి ఆత్మవిశ్వాసంతో బరిలోకి దిగుతోంది. అటు లక్నో కూడా 2 మ్యాచులు ఓడి ఒకదాంట్లో గెలిచింది. చివరిగా PBKSపై ఆ జట్టు చిత్తుగా ఓడిపోయింది. దీంతో ఇవాళ ముంబైని ఓడించి మళ్లీ విజయాల బాట పట్టాలని భావిస్తోంది.
News April 4, 2025
తూప్రాన్: ప్రాపర్టీ టాక్స్ వసూళ్లలో అవార్డు
తూప్రాన్ మున్సిపాలిటీకి ప్రాపర్టీ టాక్స్ వసూళ్లలో లక్ష్యాన్ని సాధించినందుకు బెస్ట్ అప్రిసియేషన్ అవార్డు దక్కింది. ఈరోజు హైదరాబాదులో సీడీఎంఏ అధికారి చేతుల మీదుగా బెస్ట్ అప్రిసియేషన్ అవార్డును కమిషనర్ పాతూరి గణేష్ రెడ్డి అందుకున్నారు. 2024-25 సంవత్సరానికి 82.17% ప్రాపర్టీ టాక్స్ వసూలు చేశారు. అవార్డు లభించినందుకు మేనేజర్ రఘువరన్, వార్డు అధికారులు, సిబ్బందిని అభినందించారు.