News April 1, 2025
హైదరాబాద్లో జర్మనీ యువతిపై గ్యాంగ్ రేప్
TG: హైదరాబాద్లో దారుణం చోటు చేసుకుంది. నగరంలోని పహాడీషరీఫ్ ప్రాంతంలో జర్మనీ దేశానికి చెందిన యువతిపై గ్యాంగ్ రేప్ జరిగింది. లిఫ్ట్ ఇస్తామని ఆమెను కారులో ఎక్కించుకున్న దుండగులు మార్గంమధ్యలో ఘాతుకానికి పాల్పడ్డారు. ఘటన అనంతరం పోలీసులకు బాధితురాలు ఫిర్యాదు చేయగా, కేసు నమోదు చేశారు. ఈ దారుణానికి సంబంధించి పూర్తి వివరాలు తెలియాల్సి ఉంది.
Similar News
News December 8, 2025
దేవరాపల్లి: రామాలయంపై నుంచి జారిపడి విద్యార్థి మృతి
తెనుగుపూడి జడ్పీ హైస్కూల్లో 8వ తరగతి చదువుతున్న కోన దినేష్ (13) ఆదివారం సాయంత్రం ఆటవిడుపుగా గరిసింగిలోని రామాలయంపైకి ఎక్కాడు. ప్రమాదవశాత్తు కాలుజారి కిందపడటంతో తలకు బలమైన గాయమై అపస్మారక స్థితిలోకి వెళ్ళాడు. దినేష్ను హుటాహుటిన 108 వాహనంలో కేజీహెచ్కు తరలిస్తుండగా మార్గమధ్యంలోనే మృత్యువాత పడ్డాడు. బాలుడి మృతదేహానికి కేజీహెచ్లో పోస్టుమార్టం నిర్వహించి, తెనుగుపూడిలో సోమవారం అంత్యక్రియలు చేశారు.
News December 8, 2025
రెండు గెలాక్సీలు ఢీకొట్టుకుంటే..
ఈ విశ్వం ఎన్నో వింతలకు నిలయం. లక్షల కాంతి సంవత్సరాల దూరంలో నిత్యం అద్భుతాలు జరుగుతూనే ఉంటాయి. గెలాక్సీలు ఢీకొట్టడం/గురుత్వాకర్షణ శక్తితో ఐక్యమవడం నిరంతర ప్రక్రియ. అలా 2 గెలాక్సీలు కలిసిపోతున్న IC 1623 దృశ్యాన్ని నాసా ‘చంద్రా అబ్జర్వేటరీ’ రిలీజ్ చేసింది. ఇవి విలీనమై కొత్త నక్షత్రాలు లేదా బ్లాక్హోల్ ఏర్పడుతుందని తెలిపింది. కాగా ఈ చిత్రం వండర్ఫుల్గా ఉందని నెటిజన్లు కామెంట్లు చేస్తున్నారు.
News December 8, 2025
మూసిన గదిలో రాసిన పత్రం కాదిది: భట్టి
తెలంగాణ విజన్ డాక్యుమెంట్ మూసిన గదిలో రాసిన పత్రం కాదని, ఇది ప్రజల పత్రమని గ్లోబల్ సమ్మిట్లో Dy.CM భట్టి విక్రమార్క తెలిపారు. 3 ట్రిలియన్ డాలర్ల ఆర్థిక వ్యవస్థే తమ లక్ష్యమన్నారు. కోర్ అర్బన్, పెరి అర్బన్, రూరల్ అర్బన్ రీజియన్ ఎకానమీ అంశాలతో ముందుకు సాగుతున్నట్లు చెప్పారు. మహిళా శక్తి, రైతుభరోసా, యంగ్ ఇండియా రెసిడెన్షియల్ స్కూల్స్ ఇలా అన్ని రంగాల్లో తెలంగాణను నంబర్-1గా చేస్తున్నట్లు పేర్కొన్నారు.