News January 17, 2026
GHMC: 300 డివిజన్ల ‘మెగా’ రిజర్వేషన్లు.. పక్కా గణాంకాలు
జీహెచ్ఎంసీలో విలీనమైన 27 మునిసిపాలిటీలతో ఏర్పడిన 300 డివిజన్లకు ప్రభుత్వం రిజర్వేషన్ల కోటాను ఖరారు చేసింది. ఇందులో ఎస్టీలకు 5, ఎస్సీలకు 23, బీసీలకు 122 డివిజన్లు కేటాయించారు. మిగిలిన 150లో జనరల్ మహిళలకు 76, అన్రిజర్వ్డ్కు 74 దక్కాయి. 2011 జనాభా లెక్కల ప్రకారం ఎన్యూమరేషన్ బ్లాకుల (EB) ఆధారంగా ఎస్సీ, ఎస్టీ జనాభాను క్రోడీకరిస్తూ వార్డుల వారీ కేటాయింపుపై అధికారులు కసరత్తు చేస్తున్నారు.
Similar News
News February 21, 2026
నిర్మల్: నామినేటెడ్ పోస్టులకు ‘గ్రీన్ సిగ్నల్’
రాష్ట్ర ప్రభుత్వం నామినేటెడ్ పదవుల భర్తీకి పచ్చజెండా ఊపడంతో ఆశావహుల్లో ఉత్సాహం నెలకొంది. మార్చి 15లోగా ప్రక్రియ పూర్తి చేయాలని ఆదేశించడంతో నిర్మల్, ముధోల్, ఖానాపూర్ నియోజకవర్గాల నేతలు ప్రయత్నాలు ముమ్మరం చేశారు. గత సర్పంచ్ ఎన్నికల్లో అవకాశం రాని వారు ఇప్పుడు ఈ పదవులపై కన్నేశారు. తమకే దక్కాలని అధిష్ఠానం వద్ద పైరవీలు చేస్తున్నారు. ఎవరికి ఏ పదవి దక్కుతుందోనని కేడర్లో ఆసక్తి నెలకొంది.
News February 21, 2026
సిద్దిపేట: తెల్లవారుజామున యాక్సిడెంట్
బెజ్జంకి రాజీవ్ రహదారిపై శనివారం ఉదయం జరిగిన ప్రమాదంలో ముగ్గురు గాయపడ్డారు. హైదరాబాద్ నుంచి మంచిర్యాల వెళ్తున్న కారు గాగిలాపూర్-తోటపల్లి శివారులో అదుపు తప్పి పంట పొలాల్లోకి దూసుకెళ్లి బోల్తా పడింది. డ్రైవర్ నిద్రమత్తే ప్రమాదానికి కారణమని స్థానికులు భావిస్తున్నారు. క్షతగాత్రులను వెంటనే కరీంనగర్ ప్రభుత్వ ఆసుపత్రికి తరలించారు. పోలీసులు కేసు నమోదు చేసి దర్యాప్తు చేస్తున్నారు.
News February 21, 2026
NLG: మరో వారం రోజులే గడువు
ఫార్మర్ రిజిస్ట్రీకి మరోవారం రోజులే గడువు మిగిలి ఉంది. ప్రతి రైతుకు గుర్తింపు సంఖ్యతో కూడిన కార్డులను మంజూరు చేసేందుకు కేంద్ర ప్రభుత్వం ఫార్మర్ రిజిస్ట్రీ ప్రక్రియను ప్రారంభించిన విషయం తెలిసిందే. జిల్లాలో మొత్తం 5,54,347 మంది పట్టాదారు పాసు పుస్తకాలు కలిగిన రైతులు ఉన్నారు. కానీ ఇప్పటివరకు 2,41,039 మంది రైతులు మాత్రమే ఫార్మర్ రిజిస్ట్రేషన్ చేయించుకున్నారు.