News November 20, 2024
గిగ్ వర్కర్స్ పాలసీని సమగ్రంగా మారుస్తాం: CM రేవంత్
TG: కుల సర్వేతో మిమ్మల్ని గర్వించేలా చేయడం మరింత శక్తినిస్తుందంటూ రాహుల్ గాంధీని ఉద్దేశిస్తూ CM రేవంత్ ట్వీట్ చేశారు. ‘మీ ముందుచూపు, ఆలోచనలు, పని నుంచే మేం ప్రేరణ పొందాం. మీ వాగ్దానాలకు అనుగుణంగా TG గిగ్ వర్కర్స్ పాలసీని సమగ్రంగా, మార్గదర్శకంగా మారుస్తాం’ అని CM పేర్కొన్నారు. గిగ్ వర్కర్ల సంక్షేమానికి చర్యలు చేపట్టాలని రాహుల్ రాసిన లేఖకు స్పందనగా రేవంత్ ఈ ట్వీట్ చేశారు.
Similar News
News January 20, 2026
నేడు దావోస్లో CM చంద్రబాబు కీలక భేటీలు
రెండోరోజు దావోస్లో CM చంద్రబాబు కీలక సమావేశాల్లో పాల్గొననున్నారు. CII బ్రేక్ఫాస్ట్ సెషన్లో ‘ది ఆంధ్రప్రదేశ్ అడ్వాంటేజ్’ అంశంపై మాట్లాడతారు. అనంతరం ఇండియా లాంజ్ ప్రారంభ కార్యక్రమంలో ఇన్వెస్టర్స్తో సమావేశమవుతారు. తర్వాత IBM CEO అరవింద్ కృష్ణ, గూగుల్ క్లౌడ్ CEO థామస్ను కలుస్తారు. ఈవినింగ్ JSW గ్రూప్ ఛైర్మన్ సజ్జన్ జిందాల్, JSW సిమెంట్స్, పెయింట్స్ సంస్థల MD పార్థ్ జిందాల్తో కూడా సమావేశమవుతారు.
News January 20, 2026
ఆముదపు విత్తులు ముత్యాలవుతాయా?
ఒక వస్తువు లేదా వ్యక్తి సహజ స్వభావం ఎప్పటికీ మారదు. ఆముదపు విత్తనాలు ఎప్పటికీ ఆముదపు విత్తనాలుగానే ఉంటాయి, అవి విలువైన ముత్యాలుగా మారవు. అలాగే దుర్మార్గులైన లేదా చెడ్డ స్వభావం కలిగిన వ్యక్తులు వారి ప్రవర్తనను మార్చుకోరని చెప్పడానికి.. సహజంగా జరగని లేదా అసాధ్యమైన విషయాల గురించి మాట్లాడేటప్పుడు ఈ సామెతను ఉపయోగిస్తారు.
News January 20, 2026
‘మాఘం’ అంటే మీకు తెలుసా?
చాంద్రమానం ప్రకారం 11వ నెల మాఘ మాసం. మఖ నక్షత్రంతో కూడిన పౌర్ణమి వచ్చే నెల కాబట్టి దీనికి ‘మాఘం’ అని పేరు వచ్చింది. ‘మఘం’ అంటే యజ్ఞం అని అర్థం. బ్రహ్మాండ పురాణం ప్రకారం.. రుషులు యజ్ఞయాగాదులు నిర్వహించడానికి ఈ మాసాన్ని అత్యంత శ్రేష్ఠమైనదిగా ఎంచుకున్నారు. ఇది శివకేశవులకు ఇద్దరికీ అత్యంత ప్రీతికరమైన మాసం. శ్రీ పంచమి, రథసప్తమి, భీష్మ ఏకాదశి, మహాశివరాత్రి వంటి గొప్ప పండుగలు ఈ మాఘ మాసంలోనే వస్తాయి.