News September 27, 2024

గ్రామ పంచాయతీలకు నిధులు ఇవ్వండి: హరీశ్ రావు

TG: గ్రామ పంచాయతీలకు నిధులు వెంటనే విడుదల చేయాలని మాజీ మంత్రి హరీశ్ రావు డిమాండ్ చేశారు. 8 నెలలుగా ఫైనాన్స్ కమిషన్ నిధులు రిలీజ్ చేయకపోవడంతో గ్రామాల్లో అభివృద్ధి ఆగిపోయిందని డిప్యూటీ సీఎం భట్టి విక్రమార్కకు ఆయన లేఖ రాశారు. కేంద్రం రూ.1,200 కోట్లు కేటాయించినా వాటిని ఉపయోగించుకోలేని పరిస్థితి తలెత్తిందన్నారు. పంచాయతీ కార్మికులకు దసరా, దీపావళికైనా జీతాలు చెల్లించేలా చర్యలు చేపట్టాలన్నారు.