News March 23, 2025
GNT: పెళ్లి అయిన 9 రోజులకే మృతి
పెళ్లి అయిన 9 రోజులకే డాక్టర్ మృతి చెందిన విషాద ఘటన గుంటూరు జిల్లాలో చోటు చేసుకుంది. వివరాల్లోకి వెళ్తే.. ఒంగోలుకు చెందిన శివాచారి(32) డాక్టర్ చదువుకుని పెదకాకాని మండలంలో డాక్టర్‌గా పనిచేస్తున్నాడు. కుటుంబ సభ్యులు ఈనెల 13న లావణ్యతో వివాహం చేశారు. దీంతో రెండు రోజుల క్రితం గుండెపోటు వచ్చింది. వెంటనే విజయవాడ ఆస్పత్రికి తరలించారు. అక్కడ చికిత్స పొందుతూ మృతి చెందాడు. దీంతో కుటుంబంలో విషాదం నెలకొంది.
Similar News
News November 30, 2025
GNT: సాఫ్ట్‌వేర్ ఉద్యోగిని బ్యాంక్ ఖాతాలు హ్యాక్.. 1.55 లక్షలు స్వాహా.!
గుంటూరు టౌన్‌కు చెందిన బెల్లంకొండ సిందూజా (సాఫ్ట్‌వేర్ ఉద్యోగి) భర్త వెంకట రామ దినేశ్ ఇచ్చిన ఫిర్యాదు మేరకు ఆరండల్‌పేట పోలీసులు కేసు నమోదు చేశారు. గుర్తు తెలియని వ్యక్తులు సిందూజాకు చెందిన బ్యాంక్ ఆఫ్ బరోడా, ఐసీఐసీఐ బ్యాంక్ ఖాతాలను హ్యాక్ చేసి మొత్తం రూ. 1.55 లక్షలు దొంగిలించినట్లు ఫిర్యాదులో పేర్కొన్నారు. వారు చేసిన ఫిర్యాదు ఆధారంగా పోలీసులు దర్యాప్తు చేపట్టారు.
News November 30, 2025
వరంగల్: నేటి నుంచే రెండో విడత నామినేషన్లు
రెండో విడత నామినేషన్లు ఆదివారం ఉదయం నుంచి ప్రారంభం కానున్నాయి. ఉమ్మడి వరంగల్ జిల్లాలో రెండో దశలో 564 జీపీలు, 4,928 వార్డులకు నామినేషన్ల స్వీకరణ ప్రారంభం కానుంది. డిసెంబర్ 2వ తేదీ వరకు నామినేషన్ల స్వీకరణ అనంతరం, 3వ తేదీన పోటీలో ఉన్న వారి జాబితాను సాయంత్రం 5 గంటలకు ప్రదర్శించనున్నారు. 6వ తేదీన నామినేషన్ల ఉపసంహరణ, 14వ తేదీన పోలింగ్ ప్రక్రియ ఉండనుంది.
News November 30, 2025
పాలమూరు: భూమి బాండ్ రాసిచ్చిన సర్పంచ్ అభ్యర్థి
నారాయణపేట జిల్లా మద్దూరు మండలంలో అప్పిరెడ్డిపల్లి, పెదిరిపాడు, పర్సాపూర్, దామ్లానాయక్ తండా గ్రామపంచాయతీలో ఒక్కొకరు నామినేషన్ వేయడంతో ఆ సర్పంచ్ స్థానాలు ఏకగ్రీవమయ్యాయి. అప్పిరెడ్డిపల్లిలో పాఠశాలకు 20 గుంటల భూమిని దానమిస్తున్నట్లు సర్పంచ్ అభ్యర్థి మహేశ్వరి(లావణ్య) గ్రామస్థులకు బాండ్ పేపర్ రాసిచ్చారు. పెదిరిపాడులో అనసూయ, పర్సాపూర్‌లో అంజిలమ్మ, దామ్లా నాయక్ తండాలో అనిత భాయ్ ఒక్కొకరు నామినేషన్ వేశారు.