News October 28, 2024
GNT: పోలీసులకు వ్యాసరచన పోటీలు
గుంటూరు జిల్లాలో పోలీసు అమరవీరుల సంస్మరణ వారోత్సవాలు కొనసాగుతున్నాయి. ఇందులో భాగంగా పోలీస్ సిబ్బందికి ఆదివారం వ్యాసరచన పోటీలు నిర్వహించారు. గుంటూరు, ప్రత్తిపాడు, తెనాలి, తాడికొండ తదితర ప్రాంతాల్లోని పోలీస్ స్టేషన్లో నిర్వహించిన పోటీల్లో సిబ్బంది పెద్ద సంఖ్యలో పాల్గొన్నారు. విజేతలకు త్వరలో ఆ శాఖ ఉన్నతాధికారుల చేతుల మీదగా బహుమతులు అందజేయనున్నారు.
Similar News
News November 14, 2025
గుంటూరు మిర్చి యార్డులో ధరలో ఇలా.!
గుంటూరు మిర్చి యార్డుకు గురువారం 48,406 మిర్చి టిక్కీలు విక్రయానికి వచ్చాయని గుంటూరు వ్యవసాయ మార్కెట్ కమిటీ ఉన్నతశ్రేణి కార్యదర్శి చంద్రిక తెలిపారు. ముందురోజు నిల్వ ఉన్న వాటితో కలిపి 47,533 అమ్మకం జరిగాయని ఇంకా యార్డు ఆవరణలో 13,564 మిర్చి టిక్కీలు నిల్వ ఉన్నట్లు ఆమె పేర్కొన్నారు. వివిధ రకాల మిరపకాయలకు ధరలు పలు విధాలుగా నమోదయ్యాయన్నారు.
News November 14, 2025
మాతృ మరణాల నివారణే ప్రధాన లక్ష్యం: కలెక్టర్
గుంటూరు జిల్లాలో మాతృ మరణాలు జరగకుండా అన్ని వైద్య సిబ్బంది సమన్వయంతో పనిచేయాలని కలెక్టర్ ఏ. తమీమ్ అన్సారియా ఆదేశించారు. హైరిస్క్ గర్భిణులను నిరంతరం పర్యవేక్షించి, సకాలంలో వైద్యం అందించాలని సూచించారు. ఆరోగ్య పరీక్షలు, పౌష్టికాహారం, రక్తహీనత నివారణపై అవగాహన కల్పించాలన్నారు. సమష్టిగా కృషి చేసి మాతృ మరణాలు నివారించాలని ఆమె పిలుపునిచ్చారు.
News November 13, 2025
10 రోజుల్లో పీఎఫ్ సమస్యలు పరిష్కరించాలి: APTF
ఉమ్మడి గుంటూరు జిల్లాలో ఉన్న ఉపాధ్యాయులు, ప్రదానోపాధ్యాయులు, మండల విద్యాశాఖ అధికారుల పీఎఫ్ సమస్యలను తక్షణమే పరిష్కరించాలని ఏపీటీఎఫ్ విజ్ఞప్తి చేసింది. ఇదే అంశంపై జిల్లా అధ్యక్ష, కార్యదర్శి బసవలింగారావు, ఖాలీద్ గురువారం జడ్పీ ఛైర్పర్సన్ క్రిస్టీనాను మర్యాదపూర్వకంగా కలిసి వినతిపత్రం సమర్పించారు. 10 రోజుల్లో సమస్య పరిష్కారం చేయకుంటే ఆందోళన చేపడతామని హెచ్చరించారు.