News October 28, 2025
GNT: ఇలా ఉన్నారేంట్రా బాబు.!
తుఫాను వేళ అధికారులు ఏర్పాటు చేస్తున్న టోల్ ఫ్రీ నంబర్లను కొందరు ఆకతాయిలు మిస్ యూజ్ చేస్తున్నారు. నిన్న మంగళగిరిలోని ఆంధ్రప్రదేశ్ విపత్తుల నిర్వహణ సంస్థ ఆఫీసుకు ఓ వ్యక్తి కాల్ చేశాడు. నాకు ఇల్లు లేదు ఇల్లు ఇస్తారా? అని ఫోన్‌లో అడిగాడట. అలా ఇవ్వలేం సార్ అని సిబ్బంది చెప్పగా.. ‘మరి ఏ సాయం కావాలన్నా చేస్తామని ఎందుకు చెప్తున్నారు’ అని కోపంగా ఫోన్ పెట్టేశాడట. దీంతో విస్తుపోవడం సిబ్బంది వంతైంది.
Similar News
News October 28, 2025
SRPT: ధాన్యం తడవకుండా జాగ్రత్తలు తీసుకోవాలి: కలెక్టర్
వర్షాలు కురుస్తున్న నేపద్యంలో ధాన్యం తడవకుండా చర్యలు తీసుకోవాలని, ఆ దిశగా రైతులకు అవగాహన కల్పించాలని నిర్వాహకులకు కలెక్టర్ తేజస్ నంద్ లాల్ పవార్ ఆదేశించారు. సోమవారం ఐకేపీ ఆధ్వర్యంలో నిర్వహించే జాజిరెడ్డిగూడెం మండలంలో పలు ధాన్యం కొనుగోలు కేంద్రాలను ఆయన ఆకస్మికంగా సందర్శించారు. రైతులకు సరిపడా టార్పాలిన్లను అందించాలని ఆదేశించారు. రైతులు ఆందోళన చెందవద్దని సూచించారు.
News October 28, 2025
‘మొంథా’ తుపాన్.. అధికారులు అప్రమత్తంగా ఉండాలి: కలెక్టర్
రానున్న రెండు రోజుల్లో జిల్లాపై ‘మొంథా’ తుపాన్ ప్రభావం ఉండే అవకాశం ఉన్నందున అధికారులు అప్రమత్తంగా ఉండాలని వరంగల్ కలెక్టర్ సత్య శారద ఆదేశించారు. కలెక్టరేట్ కాన్ఫరెన్స్ హాలులో అదనపు కలెక్టర్ సంధ్యారాణితో కలిసి లైన్ డిపార్ట్‌మెంట్, ఎన్డీఆర్‌ఎఫ్ అధికారులతో ఆమె సమీక్ష నిర్వహించారు. తుఫాన్ నేపథ్యంలో ప్రజలు, రైతులు కూడా అప్రమత్తంగా ఉండాలని కలెక్టర్ సూచించారు.
News October 28, 2025
మంచిర్యాల: అంగన్‌వాడీ కేంద్రాలు సాగేదెలా..?
మంచిర్యాల జిల్లాలోని పలు అంగన్‌వాడీ కేంద్రాల్లో ఖాళీలు ఏర్పడి ఏళ్లు గడుస్తున్నా వాటిని ఉన్నతాధికారులు ఇంతవరకు భర్తీ చేయడం లేదు. ముఖ్యంగా ఖాళీ ఏర్పడిన కేంద్రాల్లో టీచర్లకు బీఎల్ఓ వంటి ఇతర బాధ్యతలు అప్పజెప్పడంతో తమపై అదనపు భారం పడుతుందని టీచర్లు వాపోతున్నారు. అధికారులు ఇప్పటికైనా దీనిపై స్పందించి ఖాళీగా ఉన్న అంగన్‌వాడీ టీచర్, ఆయా పోస్టులని వెంటనే భర్తీ చేయాలని నిరుద్యోగ యువత కోరుతున్నారు.