News February 3, 2026
GNT: ‘హరిత ట్రిబ్యునల్ మార్గదర్శకాలకు అనుగుణంగా కృషి చేయాలి’
జాతీయ హరిత ట్రిబ్యునల్ మార్గదర్శకాలకు అనుగుణంగా ఘన, ద్రవ వ్యర్థాలను వేరుచేసేలా మున్సిపల్ అధికారులు చర్యలు తీసుకోవాలని కలెక్టర్ తమీమ్ అన్సారియా ఆదేశించారు. కలెక్టరేట్ వీసీ హాలులో మంగళవారం జిల్లా NGT కమిటీ సమావేశంలో కలెక్టర్ మాట్లాడారు. పట్టణ ప్రాంతాల్లో వ్యర్థాలను ఇంటి నుంచి సేకరించటంతో పాటు, పర్యావరణానికి హాని లేకుండా నూరుశాతం సక్రమంగా నిర్వహించాలన్నారు. మురుగునీటిని పూర్తిగా శుద్ధిచేయాలన్నారు.
Similar News
News February 6, 2026
GNT: హైకోర్టులో అంబటి రాంబాబు క్వాష్ పిటిషన్లు
మాజీ మంత్రి అంబటి రాంబాబు AP హైకోర్టులో మొత్తం ఏడు క్వాష్ పిటిషన్లు దాఖలు చేశారు. పట్టాభిపురం, నగరంపాలెం, మంగళగిరి, నల్లపాడు PSలలో నమోదైన కేసులను రద్దు చేయాలని ఆయన కోరారు. నల్లపాడు కేసు క్వాష్ పిటిషన్ విచారణను ఈ నెల 11కు ఆంధ్రప్రదేశ్ హైకోర్టు వాయిదా వేసింది. మంగళగిరి కేసులో 35(3) BNSS ప్రక్రియ పాటించాలని పోలీసులకు ఆదేశాలు ఇచ్చింది. మంగళగిరి కోర్టులో PT వారెంట్ కోసం పోలీసులు పిటిషన్ దాఖలు చేసారు.
News February 6, 2026
గుంటూరులో వైసీపీ నేతలపై కేసులు నమోదు
గుంటూరులో జగన్ పర్యటన సందర్భంగా నిబంధనలను ఉల్లంఘించిన పలువురు YCP నాయకులపై పోలీసులు కేసులు నమోదు చేశారు. తాడేపల్లిలో వేమారెడ్డిపై, పెదకాకానిలో ఉమామహేశ్వర రెడ్డి, నగరంపాలెంలో నూరిఫాతిమా, నల్లపాడు పోలీస్ స్టేషన్లో బలసాని కిరణ్ కుమార్, పట్టాభిపురం PSలో అంబటి మురళి కృష్ణపై నమోదయినట్లుగా తెలుస్తోంది. 30 యాక్ట్ ఉల్లంఘించి ర్యాలీలు నిర్వహించినందుకు కేసులు నమోదయ్యాయి.
News February 5, 2026
GNT: 42 బార్ల కోసం 122 దరఖాస్తులు.. మరికొద్దిసేపటల్లో లాటరీ!
గుంటూరు జిల్లాలో బార్ల అనుమతుల కోసం వచ్చిన దరఖాస్తులను గుంటూరు కలెక్టరేట్లో నేడు లాటరీ తీయనున్నారు. మొత్తం 42 బార్ల కోసం నోటిఫికేషన్ ఇవ్వగా 122 దరఖాస్తులు వచ్చాయి. జీఎంసీ పరిధిలో 26 బార్లకు 84 దరఖాస్తులు అందాయి. అదేవిధంగా మంగళగిరి, తాడేపల్లి పరిధిలో 6 బార్లకు 24, పొన్నూరులో ఒక బార్ కి 6 దరఖాస్తులు వచ్చాయి. తెనాలిలో 9 బార్ల కోసం 8 దరఖాస్తులు దాఖలయ్యాయి. ఎవరి భవితవ్యం ఎలా ఉంటుందో చూడాలి.