News March 20, 2025
వారం రోజుల్లో రూ.2300 పెరిగిన బంగారం ధరలు
బంగారం ధరలు భారీగా పెరుగుతున్నాయి. వారం రోజుల్లోనే రూ.2300 పెరిగి శుభకార్యాల వేళ సామాన్యుడికి షాక్ ఇస్తున్నాయి. హైదరాబాద్ బులియన్ మార్కెట్‌లో ఇవాళ కూడా 22 క్యారెట్ల 10 గ్రాముల గోల్డ్ రేటు రూ.200 పెరిగి రూ.83,100లకు చేరింది. 24 క్యారెట్ల 10 గ్రాముల పసిడి ధర రూ.220 పెరగడంతో రూ.90,660కు చేరింది. అటు వెండి ధర కూడా రూ.100 పెరిగి ఆల్ టైమ్ హైకి చేరింది. కేజీ సిల్వర్ రేటు రూ.1,14,100గా ఉంది.
Similar News
News November 29, 2025
మొబైల్ నంబర్ చాలు.. ఉచితంగా రూ.5 లక్షల వరకూ చికిత్స
ఆయుష్మాన్ భారత్ PMJAY పథకం ద్వారా ప్రతి కుటుంబానికి ఏడాదికి రూ.5 లక్షల వరకు ఉచిత చికిత్స లభిస్తుంది. ఇందుకు ఆయుష్మాన్ కార్డు ఉండాలి. ఆధార్‌కు లింక్ అయిన మొబైల్ నంబర్‌తో కార్డును సులభంగా డౌన్లోడ్ చేసుకోవచ్చు. beneficiary.nha.gov.in, ఆయుష్మాన్ యాప్ లేదా DigiLocker ద్వారా లాగిన్‌ అవ్వాలి. అనంతరం కుటుంబ సభ్యుడిని సెలక్ట్ చేసుకుని కార్డు డౌన్లోడ్ చేసుకోవచ్చు. కార్డు డౌన్లోడ్ పూర్తిగా ఉచితం.
News November 29, 2025
ఆయుష్మాన్ కార్డుకు మీరూ అర్హులేనా? చెక్‌ చేసుకోండిలా..
ఆయుష్మాన్ భారత్ PMJAY పథకం ద్వారా పేద, మధ్యతరగతి కుటుంబాలకు సంవత్సరానికి రూ.5లక్షల వరకు ఉచిత చికిత్స లభిస్తుంది. అయితే మీరు అర్హులా కాదా అనే విషయం తెలుసుకోవడానికి pmjay.gov.inలోని Am I Eligible? ఆప్షన్‌కి వెళ్లి ఫోన్ నంబర్, ఇతర వివరాలు ఎంటర్ చేసి ఆధార్ నంబర్‌తో సెర్చ్ చేయాలి. అర్హత ఉంటే కార్డు పొందవచ్చు. అధికారిక సైట్‌లో అప్లై చేసుకోవచ్చు. ఆఫ్‌లైన్‌లో అయితే సమీప ఆరోగ్య కేంద్రాన్ని సంప్రదించవచ్చు.
News November 29, 2025
గ్లోబల్ సమ్మిట్ ఆహ్వానితులకు రెడ్ కార్పెట్
TG: గ్లోబల్ సమ్మిట్‌కు వచ్చే ప్రముఖులకు రెడ్ కార్పెట్ ఆహ్వానం పలికేలా ప్రభుత్వం భారీ ఏర్పాట్లు చేస్తోంది. హెలిప్యాడ్ నుంచి ప్రాంగణం వరకు ఉన్న 4.4 KM మార్గాన్ని ₹1.38 కోట్లతో ప్రీమియర్ గేట్‌వే, ది ఫౌండేషన్, ది కానోపీలుగా అభివృద్ధి చేసి ‘గ్రీన్ హ్యాండ్‌షేక్’ అందించనుంది. CM ఆదేశంతో FCDA, HMDAలు రంగంలోకి దిగాయి. ₹69.23Lతో శ్రీశైలం హైవే నుంచి RGIA గేట్ వరకు 330 Ft రోడ్డును ముస్తాబు చేస్తున్నారు.