News April 14, 2025
LSG ఫ్యాన్స్‌కి గుడ్‌న్యూస్.. టీమ్‌లోకి స్పీడ్‌స్టర్!
IPL: లక్నో ఫ్యాన్స్‌కు గుడ్‌న్యూస్. పేసర్ మయాంక్ యాదవ్ ఎంట్రీ దాదాపుగా ఖరారైందట. వెన్ను, కాలివేలు గాయాల నుంచి కోలుకున్న మయాంక్.. ఏప్రిల్ 19న RRతో మ్యాచ్‌లో యాక్షన్‌లో దిగుతారని తెలుస్తోంది. మయాంక్ ఎంట్రీతో లక్నో బౌలింగ్ విభాగం మరింత పటిష్ఠంగా మారుతుందని ఫ్యాన్స్ ఆశిస్తున్నారు. గత ఐపీఎల్ సీజన్లో మయాంక్ గంటకు గరిష్ఠంగా 156.7 కి.మీ. వేగంతో బంతులు విసిరి అందరినీ ఆశ్చర్యపరిచారు.
Similar News
News November 29, 2025
మీజిల్స్ లక్షణాలివే!
మీజిల్స్ అనేది అంటువ్యాధి. ఐదేళ్లలోపు పిల్లలపై ఎక్కువగా ప్రభావం చూపుతుంది. ఇది సోకినప్పుడు జ్వరం, దగ్గు, ముక్కు కారడం శరీరంపై దద్దుర్లు వస్తాయి. శ్వాసకోశ వ్యవస్థపై ప్రభావం చూపుతుంది. వైరస్ సోకిన తర్వాత న్యుమోనియా, చెవి ఇన్ఫెక్షన్లు, మెదడు వాపు వంటి తీవ్రమైన సమస్యలకూ దారి తీసే ఆస్కారముంది. WHO రూల్స్ ప్రకారం రెండు డోసుల MMR వ్యాక్సిన్‌తో 95% వైరస్ సోకకుండా ఆపొచ్చని వైద్యులు చెబుతున్నారు.
News November 29, 2025
హనుమాన్ చాలీసా భావం – 24
భూత పిశాచ నికట నహి ఆవై|
మహవీర జబ నామ సునావై||
ఎవరైతే మహా వీరుడైన హనుమంతుడి నామాన్ని తలచుకుంటారో భూతాలు, ప్రేతాలు వారి దరిదాపుల్లోకి కూడా రావు. ఎలాంటి చెడు చేయలేవు. మనం హనుమంతునిపై సంపూర్ణ విశ్వాసం ఉంచితే ఆయన మనల్ని ఎలాంటి భయం, అపాయం కలగకుండా చూసుకుంటాడు. ఆయన నామమే మనకు అతిపెద్ద రక్షణ కవచంగా పనిచేస్తుంది. జై హనుమాన్!! <<-se>>#HANUMANCHALISA<<>>
News November 29, 2025
నేడు బ్రేక్ఫాస్ట్ మీట్.. వివాదానికి తెర పడనుందా?
కర్ణాటకలో ‘సీఎం కుర్చీ’ వివాదం దేశవ్యాప్తంగా చర్చనీయాంశమైన వేళ కాంగ్రెస్ హైకమాండ్ రంగంలోకి దిగింది. CM సిద్దరామయ్య, Dy.CM DK శివకుమార్‌లకు ఇవాళ 9.30AMకు బ్రేక్ఫాస్ట్ మీట్ ఏర్పాటు చేసింది. ఈ భేటీతో ‘సీఎం’ వివాదానికి తెరదించాలని భావిస్తోంది. కాగా 2023 ఎన్నికల సమయంలో అధిష్ఠానం ఇచ్చిన సీఎం హామీని నెరవేర్చాలని DK అనుచర వర్గం కోరుతోంది. అటు అధిష్ఠానం నిర్ణయానికి కట్టుబడి ఉంటామని సిద్దరామయ్య చెప్పారు.