News January 30, 2025
భారత జట్టుకు గుడ్ న్యూస్!
గాయం కారణంగా గత రెండు టీ20లకు దూరమైన భారత ప్లేయర్ రింకూ సింగ్ నాలుగో T20కి అందుబాటులో ఉండనున్నట్లు క్రీడావర్గాలు పేర్కొన్నాయి. తొలి మ్యాచులో ఆడిన రింకూకు బ్యాటింగ్ చేసే అవకాశం రాలేదు. కాగా మూడో టీ20లో భారత జట్టు బ్యాటర్ల వైఫల్యంతో ఓడిన సంగతి తెలిసిందే. దీంతో రింకూ చేరితే జట్టుకు బలం చేకూరే అవకాశముంది. ఇంగ్లండ్‌తో నాలుగో టీ20 రేపు పుణేలో జరగనుంది.
Similar News
News January 31, 2025
ఫిబ్రవరి 15న దుబాయ్‌కు టీమ్ ఇండియా
ఛాంపియన్స్ ట్రోఫీ 2025 కోసం టీమ్ ఇండియా వచ్చే నెల 15న దుబాయ్ పయనం కానున్నట్లు తెలుస్తోంది. ఆ తర్వాత బంగ్లాదేశ్ లేదా యూఏఈతో వార్మప్ మ్యాచ్ ఆడుతుందని సమాచారం. ఫిబ్రవరి 20న బంగ్లాదేశ్‌తో తన తొలి మ్యాచ్ ఆడనుంది. 23న చిరకాల ప్రత్యర్ధి పాకిస్థాన్‌తో తలపడనుంది. భారత్ ఆడే మ్యాచులన్నీ దుబాయ్‌లో జరగనున్నాయి. ఫిబ్రవరి 19 నుంచి మెగా టోర్నీ ప్రారంభం కానుంది.
News January 31, 2025
ప్రపంచంలో అందమైన దేశాలు ఇవే
వరల్డ్‌లో అనేక అందమైన దేశాలు ఉన్నాయి. వీటిని చూడటానికి ఎక్కడెక్కడి నుంచో పర్యాటకులు వెళ్తుంటారు. ఓ నివేదిక ప్రకారం న్యూజిలాండ్ ప్రపంచంలోనే అందమైన దేశంగా నిలిచింది. ప్రకృతి అందాలు ఆస్వాదించాలంటే న్యూజిలాండ్ అనువైన ప్రదేశం. టాప్-15 దేశాలు: న్యూజిలాండ్, ఇటలీ, కెనడా, స్విట్జర్లాండ్, ఫ్రాన్స్, యూకే, నార్వే, ఆస్ట్రేలియా, గ్రీస్, సౌతాఫ్రికా, అమెరికా, చిలీ, ఐస్‌లాండ్, అర్జెంటీనా, క్రొయేషియా.
News January 31, 2025
జగన్‌తోనే నా ప్రయాణం: ఆదిమూలపు సురేశ్
AP: తాను పార్టీ మారుతున్నానన్న ప్రచారం అవాస్తవమని మాజీ మంత్రి ఆదిమూలపు సురేశ్ తెలిపారు. తన రాజకీయ ప్రయాణం జగన్‌తోనేనని ఆయన స్పష్టం చేశారు. గతంలోనూ ఇలాగే తనపై దుష్ప్రచారం జరిగిందని మండిపడ్డారు. బతికున్నంతవరకు వైసీపీతోనే ఉంటానని తేల్చిచెప్పారు. కాగా కొద్దిరోజులుగా సురేశ్ వైసీపీని వీడి టీడీపీలో చేరతారని వదంతులు చెలరేగిన విషయం తెలిసిందే.