News February 7, 2025
Good News: వడ్డీరేట్లు తగ్గించిన RBI
ఎట్టకేలకు RBI గుడ్న్యూస్ చెప్పింది. రెపోరేటును 25 బేసిస్ పాయింట్ల మేర కత్తిరిస్తూ నిర్ణయం తీసుకుంది. 6.50 నుంచి 6.25 శాతానికి తగ్గించింది. 2024, Feb 8 నుంచి వడ్డీరేట్లు 6.50% వద్దే గరిష్ఠంగా కొనసాగుతున్న సంగతి తెలిసిందే. ద్రవ్యోల్బణం కుదుటపడుతోందని RBI గవర్నర్ సంజయ్ మల్హోత్ర తెలిపారు. వడ్డీరేట్ల తగ్గింపుతో ప్రజల చేతుల్లో డబ్బులు మిగులుతాయి. దీంతో వినియోగం పెరిగి ఎకానమీ పుంజుకోనుంది.
Similar News
News March 17, 2026
అసెంబ్లీ నుంచి స్పీకర్ వాకౌట్!
ప్రతిపక్షాలు సభ నుంచి వాకౌట్ చేయడం కామన్. కానీ స్పీకరే వాకౌట్ చేస్తే..? కర్ణాటక అసెంబ్లీలో జరిగిందీ ఘటన. 230 ప్రశ్నల్లో 84 ప్రశ్నలకే మంత్రులు సమాధానాలు ఇవ్వడంతో స్పీకర్ UT ఖాదర్ అసంతృప్తి వ్యక్తం చేశారు. MLAల ప్రశ్నలకు బదులివ్వాల్సిన మంత్రులే సభకు రావడం లేదని విమర్శించారు. దీనిపై వివరణ ఇచ్చేదాకా సెషన్ నడపబోనని వాయిదా వేసి తన ఛాంబర్కు వెళ్లిపోయారు. CM సిద్దరామయ్య సర్దిచెప్పడంతో తిరిగి వచ్చారు.
News March 17, 2026
ట్రంప్కు భారీ షాక్
హార్ముజ్ జలసంధిని ఓపెన్ చేసేందుకు సహకరించాలని US అధ్యక్షుడు ట్రంప్ ఇచ్చిన <<19394650>>పిలుపునకు<<>> మిత్ర దేశాలు, చైనా ససేమిరా అన్నాయి. ఈ యుద్ధంతో తమకు సంబంధం లేదని నాటో దేశాలైన బ్రిటన్, జర్మనీ, ఫ్రాన్స్, స్పెయిన్తోపాటు జపాన్ తేల్చిచెప్పాయి. అక్కడికి యుద్ధ నౌకలను పంపబోమని స్పష్టం చేశాయి. ముందు దాడులను ఆపాలని చైనా సూచించింది. తమకు సహకరించకపోతే నాటోకు భవిష్యత్తు ఉండదని ఇప్పటికే ట్రంప్ హెచ్చరించిన విషయం తెలిసిందే.
News March 17, 2026
సినిమా పైరసీ చేస్తే మూడేళ్ల జైలు!
TG: రాష్ట్రంలో సినిమా పైరసీని కట్టడి చేసేందుకు సైబర్ సెక్యూరిటీ బ్యూరో చర్యలు చేపడుతోంది. మూవీ పైరసీ చేస్తూ పట్టుబడితే మూడేళ్ల జైలు శిక్ష పడే అవకాశం ఉందని హెచ్చరించింది. రూ.3 లక్షల వరకు జరిమానా లేదా సినిమా నిర్మాణ వ్యయంలో 5% ఫైన్ తప్పదని CSB డైరెక్టర్ శిఖా గోయల్ ఓ ప్రకటనలో స్పష్టం చేశారు. తెలుగు ఫిల్మ్ ఛాంబర్ ఆఫ్ కామర్స్తో కలిసి సంయుక్తంగా యాంటీ పైరసీ యూనిట్ ఏర్పాటు చేసినట్లు తెలిపారు.