News March 18, 2024
మంత్రిగా ప్రమాణస్వీకారం చేయించేందుకు గవర్నర్ నిరాకరణ
తమిళనాడు ప్రభుత్వం, గవర్నర్ రవి మధ్య వివాదం కొనసాగుతోంది. DMK నేత పొన్ముడిని మంత్రిగా నియమించాలంటూ CM స్టాలిన్ చేసిన సిఫార్సును గవర్నర్ తిరస్కరించారు. అవినీతి కేసులో పొన్ముడికి హైకోర్టు విధించిన మూడేళ్ల శిక్షపై సుప్రీం స్టే విధించడంతో ఆయన సభ్యత్వాన్ని స్పీకర్ పునరుద్ధరించారు. దీంతో పొన్ముడితో మంత్రిగా ప్రమాణం చేయించాలంటూ CM లేఖ రాయగా, కేసును కొట్టేయనందున తిరస్కరిస్తున్నట్లు రవి స్పష్టం చేశారు.
Similar News
News January 4, 2025
చిరు పాత్ర గురించి చెప్పేది అప్పుడే: అనిల్ రావిపూడి
మెగాస్టార్ చిరంజీవితో తాను తెరకెక్కించే సినిమాలో క్యారెక్టరైజేషన్ విభిన్నంగా ఉంటుందని డైరెక్టర్ అనిల్ రావిపూడి ఓ ఇంటర్వ్యూలో తెలిపారు. ‘చిరును శ్రీకాంత్ ఓదెల ఒకలా చూపిస్తే నేను ఇంకోలా చూపిస్తాను. ఫైనల్‌గా ఆడియన్స్‌ను మెప్పించడమే లక్ష్యం. ప్రస్తుతం స్టోరీ లైన్ ఓకే అయింది కానీ స్క్రిప్ట్ పని జరుగుతోంది. అది పూర్తయ్యాకే ఆయన పాత్ర చిత్రణ గురించి చెబుతాను’ అని స్పష్టం చేశారు.
News January 4, 2025
చలిపులి.. జాగ్రత్తలు తీసుకోవాల్సిందే
TG: రాష్ట్రం చలిపులి గుప్పిట్లోకి చేరుకుంది. వచ్చే 2 రోజుల పాటు పరిస్థితి మరింత తీవ్రంగా ఉంటుందని వాతావరణ శాఖ స్పష్టం చేసింది. ఈ నేపథ్యంలో ప్రజలు తగిన దుస్తులు వేసుకుని చలి నుంచి రక్షణ పొందాలని అధికారులు సూచిస్తున్నారు. ముఖ్యంగా చిన్నారులు, గర్భిణులు, వృద్ధులు మంకీ క్యాప్‌లు, జెర్కిన్స్, చలి కోట్లు తప్పనిసరిగా ధరించాలని హెచ్చరిస్తున్నారు. అవసరమైతే తప్ప ఉదయం బయటికెళ్లొద్దని హెచ్చరిస్తున్నారు.
News January 4, 2025
బీసీలకు బీఆర్ఎస్ ఏం చేసింది?: పొన్నం
బీసీల విషయంలో బీఆర్ఎస్ తీవ్ర నిర్లక్ష్యం వహించిందని మంత్రి పొన్నం ప్రభాకర్ విమర్శించారు. ఆ పార్టీ బీసీలకు ఏం చేసిందో చెప్పాలని ఆయన ఎమ్మెల్సీ కవితను ప్రశ్నించారు. ‘కాంగ్రెస్‌లో బీసీలందరం కలిసి మా హక్కుల కోసం గొంతెత్తగలం. ఇదే స్వేచ్ఛ మీ పార్టీలో బీసీలకు ఉందా? అధికారంలో ఉండగా గుర్తురాని బీసీలు మీకు ఇప్పుడు గుర్తొచ్చారా? రాజకీయ లబ్ధి కోసం వాడుకోవాలని చూస్తే బీసీలు చూస్తూ ఊరుకోరు’ అని హెచ్చరించారు.