News March 29, 2024
తనఖా భూముల పాస్బుక్ల విడుదలకు గ్రీన్ సిగ్నల్
TG: తనఖా భూముల పాస్బుక్లను రిలీజ్ చేయాలని రాష్ట్ర ప్రభుత్వం నిర్ణయించింది. ఇందుకోసం సబ్ రిజిస్ట్రార్లకు ప్రత్యేక అధికారాలు అప్పగిస్తూ ఉత్తర్వులు జారీ చేసింది. ధరణి కారణంగా తనఖా పాస్బుక్ల రిలీజ్ ప్రక్రియ కొన్నేళ్లుగా నిలిచిపోయింది. దీంతో అప్పులు చెల్లించినా రైతులకు పాస్బుక్లు అందలేదు. ఈ నేపథ్యంలో ప్రభుత్వం తీసుకున్న తాజా నిర్ణయంతో రైతులకు ఉపశమనం కలగనుంది.
Similar News
News April 10, 2026
‘చండ శాసనుడు’ అంటే ఎవరు?
నియంతృత్వ పోకడలతో ఎవరి మాటా వినకుండా కఠినంగా పరిపాలించే నాయకులను, నిర్దయగా వ్యవహరించే అధికారులను ‘చండ శాసనుడు’ అని పిలుస్తున్నాం. ఇదేమీ మనిషి పేరు కాదు. అతని స్వభావం. చండము అంటే కోపము. శాసనం అంటే ఆజ్ఞ, పాలన, శిక్ష. చరిత్రలోని క్రూరమైన రాజులను ఈ పేరుతో పిలిచే వారు. కాలక్రమంలో ఇదొక నానుడిగా మారింది. మీకు తెలిసిన చండ శాసనుడు ఎవరో కామెంట్ చేయండి.
<<-se>>#EPICSAYINGS<<>>
News April 10, 2026
ఉతకకుండా కొత్త డ్రెస్లు వేసుకుంటున్నారా?
కొత్త దుస్తులను ఉతకకుండా ధరించడం వల్ల స్కిన్ ఇన్ఫెక్షన్లు వచ్చే అవకాశం ఉందని వైద్యులు హెచ్చరిస్తున్నారు. ‘వీటి తయారీలో వాడే రంగులు, ఫార్మాల్డిహైడ్ వంటి రసాయనాలు, షోరూమ్లలో ఇతరులు ట్రయల్ వేయడం వల్ల చర్మ వ్యాధులు వచ్చే ప్రమాదం ఉంది. ముఖ్యంగా పిల్లల చర్మం చాలా సున్నితంగా ఉంటుంది కాబట్టి, వారి దుస్తులను కచ్చితంగా ఉతికిన తర్వాతే వేయాలి’ అని సూచిస్తున్నారు. SHARE IT
News April 10, 2026
ఇన్స్టాలో కొత్త ఫీచర్.. ఇక కామెంట్స్ను ఎడిట్ చేయొచ్చు!
ఇన్స్టాగ్రామ్లో కొత్త అప్డేట్ వచ్చింది. ఇకపై కామెంట్లలో తప్పులు దొర్లితే డిలీట్ చేయాల్సిన అవసరం లేకుండా వాటిని ఎడిట్ చేసుకోవచ్చు. కామెంట్ పోస్ట్ చేసిన 15 నిమిషాల్లోపు ఎన్నిసార్లైనా మార్పులు చేసుకునే వెసులుబాటు కల్పించింది. కేవలం Textను మాత్రమే ఎడిట్ చేయొచ్చు. ఫొటోలు లేదా స్టిక్కర్లను మార్చడం కుదరదు. మనం ఎడిట్ చేసినట్లు ఇతరులకు కనిపిస్తుంది. కానీ, పాత కామెంట్ ఏంటో వారికి తెలియదు.