News June 20, 2024
గ్రూప్-2 మెయిన్స్ వాయిదా వేయాలని విజ్ఞప్తి
AP: పోలీసు ఉద్యోగాల భర్తీకి మెగా పోలీస్ నోటిఫికేషన్ విడుదల చేయాలని నిరుద్యోగ JAC రాష్ట్ర కన్వీనర్ షేక్ సిద్ధిక్ డిమాండ్ చేశారు. ఈ మేరకు CM చంద్రబాబుని కలిసి వినతిపత్రం అందజేశారు. గ్రూప్-2 మెయిన్స్ 2నెలలు వాయిదా వేయాలని కోరారు. ఎన్నికల దృష్ట్యా అభ్యర్థులు ప్రిపరేషన్‌లో ఇబ్బందులు ఎదుర్కొన్నారని, సిలబస్ ఎక్కువగా ఉందని వివరించారు. డిప్యూటీ DEO మెయిన్స్‌కు 1:100 విధానంలో అభ్యర్థులను ఎంపిక చేయాలన్నారు.
Similar News
News January 15, 2025
‘సంక్రాంతికి వస్తున్నాం’ ఫస్ట్ డే కలెక్షన్స్
‘సంక్రాంతికి వస్తున్నాం’ సినిమాకు తొలి రోజు ప్రపంచ వ్యాప్తంగా రూ.45కోట్ల గ్రాస్ వసూళ్లు వచ్చినట్లు మూవీ టీమ్ ప్రకటించింది. వెంకటేశ్‌కు ఇవే ఆల్ టైమ్ కెరీర్ హైయెస్ట్ ఓపెనింగ్ కలెక్షన్స్ అని తెలిపింది. అనిల్ రావిపూడి డైరెక్ట్ చేసిన ఈ సినిమాను దిల్ రాజు, శిరీష్ నిర్మించారు. ఐశ్వర్య రాజేశ్, మీనాక్షి చౌదరి హీరోయిన్లుగా నటించగా, భీమ్స్ సంగీతం అందించారు. నిన్న విడుదలైన ఈ సినిమాకు పాజిటివ్ టాక్ వచ్చింది.
News January 15, 2025
యుద్ధ నౌకలు జాతికి అంకితం
భారత నేవీ అమ్ములపొదిలో మూడు అత్యాధునిక యుద్ధ నౌకలు చేరాయి. INS సూరత్, INS నీలగిరి యుద్ధ నౌకలు, వాఘ్‌షీర్ జలాంతర్గామి(సబ్ మెరైన్)ని ప్రధాని మోదీ జాతికి అంకితం చేశారు. ముంబై డాక్ యార్డులో ఈ కార్యక్రమం జరిగింది. రక్షణరంగంలో మేకిన్ ఇండియా ఆవిష్కృతమవుతోందని మోదీ అన్నారు. ప్రపంచంలో భారత్ బలమైన శక్తిగా ఎదుగుతోందని చెప్పారు.
News January 15, 2025
ఆ యాప్ బ్యాన్.. పిచ్చెక్కిపోతున్న యువత
అమెరికాలో ఈ నెల 19 నుంచి టిక్‌టాక్ బ్యాన్ కానుందనే వార్తల నేపథ్యంలో ఆ దేశ యువత ప్రత్యామ్నాయ యాప్స్‌పై ఫోకస్ చేస్తున్నారు. ఈ క్రమంలో చైనాకు చెందిన Xiaohongshu యాప్ అమెరికా డౌన్‌లోడ్ లిస్టులో టాప్‌లో ఉంది. 2 రోజుల్లోనే 7 లక్షల డౌన్‌లోడ్స్ వచ్చాయి. ఈ యాప్‌కు చైనాలో 300 మిలియన్ల యూజర్లు ఉన్నారు. కాగా అమెరికా జనాభాలో సగం మంది అంటే 170 మిలియన్ల మంది (17 కోట్లు) టిక్‌టాక్ వాడుతుండటం గమనార్హం.