News November 17, 2024

GROUP-3 EXAM: HYDలో‌ సెంటర్ల వివరాలు

image

గ్రూప్-3 పరీక్షకు అంతా సిద్ధమైంది. రాష్ట్రంలోనే అత్యధికంగా మన మేడ్చల్‌-మల్కాజిగిరి జిల్లాలో 115 కేంద్రాలు ఏర్పాటు చేశారు. ఇక్కడ 65,361మంది అభ్యర్థులు పరీక్ష హాజరుకావాల్సి ఉంది. రంగారెడ్డిలో 103 పరీక్ష కేంద్రాల్లో 56,394 మంది, హైదరాబాద్‌లో 102 కేంద్రాల్లో 45,918 మంది పరీక్ష రాయనున్నారు. మూడు జిల్లాల్లోనే ఏకంగా 1,67,673 మంది పోటీలో ఉండటం విశేషం. 10 AMకు పరీక్ష. గంట ముందే చేరుకోండి.
ALL THE BEST

Similar News

News November 29, 2025

HYD: అమ్మ చెప్పింది.. వేగం ఆగింది!

image

స్పీడ్‌గా వాహనాలు నడిపి ప్రాణాల మీదికి తెచ్చుకొని తల్లిదండ్రులను ఇబ్బందులు పెట్టే కొడుకులను చూస్తూనే ఉంటాం. JNTU సిగ్నల్ వద్ద ఒకతను ‘మా అమ్మ చెప్పింది స్పీడుగా వెళ్లవద్దు’ అని తన ద్విచక్ర వాహనంపైన రాయించుకొని అందరికీ ఆదర్శంగా నిలుస్తున్నాడు. అతివేగం వలన ఇతరులకు కూడా ప్రమాదం పొంచి ఉందని హితవు పలికాడు. కాగా, ఈ రోజు ఉదయం కూకట్‌పల్లిలో అతివేగం ఒకరి ప్రాణాన్ని తీసింది. ఇకనైనా వేగం మానుకోండి.
SHARE IT

News November 29, 2025

మీర్ఖాన్‌పేటలో మాక్ గ్లోబల్ సమ్మిట్

image

గ్లోబల్ సమ్మిట్.. అతి పెద్ద అంతర్జాతీయ సదస్సు.. వేల మంది ప్రముఖ అతిథులు.. ఎక్కడా ఎవ్వరూ ఇబ్బంది పడరాదు.. ఇదే లక్ష్యం.. అందుకే మాక్ అసెంబ్లీ లాగా.. మాక్ గ్లోబల్ సమ్మిట్ నిర్వహించేందుకు సర్కారు నిర్ణయించింది. అచ్చం సమ్మిట్ లాగే డిసెంబర్ 4,5 తేదీల్లో మాక్ సమ్మిట్ నిర్వహించనున్నారు. మీర్ఖాన్‌పేటలోని సమ్మిట్ జరిగే ప్రాంతంలో ఈ కార్యక్రమం జరుగనుంది. అలాగే 6న మరోసారి మాక్ సమ్మిట్ నిర్వహిస్తారు.

News November 29, 2025

గ్లోబల్ సమ్మిట్‌లో ‘సెల్’ టవర్లు నడవాలి!

image

డిసెంబర్ 8, 9 తేదీల్లో ప్రభుత్వం ఫ్యూచర్ సిటీలో ప్రతిష్ఠాత్మకంగా నిర్వహిస్తున్న గ్లోబల్ సమ్మిట్లో 5 వేల మంది వీవీఐపీలు పాల్గొంటున్నారు. సమ్మిట్ విజయవంతం కావాలంటే ఫోన్ సిగ్నల్, ఇంటర్ నెట్ సేవలు ముఖ్యం. అందుకే సిగ్నల్ ఇబ్బంది లేకుండా.. రాకుండా ప్రభుత్వం చర్యలు తీసుకుంటోంది. వివిధ మొబైల్ కంపెనీలు తమ వినియోగదారులకు నెట్‌వర్క్ సమస్య ఎదురవకుండా సెల్ టవర్ ఆన్ వీల్స్ సమ్మిట్ జరిగే ప్రాంతాల్లో ఉంచుతున్నాయి