News July 4, 2024
1:50 నిష్పత్తిలోనే గ్రూప్1 మెయిన్స్: TGPSC
TG: గ్రూప్1 మెయిన్స్ పరీక్షకు 1:50 నిష్పత్తిలో అభ్యర్థుల ఎంపిక ఉంటుందని TGPSC స్పష్టం చేసింది. 1:100 నిష్పత్తి సాధ్యం కాదని తేల్చి చెప్పింది. కాగా 1:100 నిష్పత్తిలో ఎంపిక చేయాలని కొందరు అభ్యర్థులు ఇటీవల హైకోర్టును ఆశ్రయించారు. ఆ అభ్యర్థనలను పరిశీలించాలని TGPSCకి కోర్టు సూచించింది. సాధారణ పరిపాలనశాఖ జారీ చేసిన GO.55లోని నిబంధనల ప్రకారం ఆ అభ్యర్థనను తిరస్కరిస్తున్నట్లు TGPSC స్పష్టం చేసింది.
Similar News
News November 29, 2025
ఎన్నికల కోడ్ కారణంగా ప్రజావాణి రద్దు: కలెక్టర్
గ్రామ పంచాయతీ ఎన్నికల నేపథ్యంలో ఎన్నికల ప్రవర్తన నియమావళి అమలులో ఉన్నందున ప్రతి సోమవారం సమీకృత జిల్లా కలెక్టరేట్‌లో నిర్వహించే ప్రజావాణి కార్యక్రమాన్ని రద్దు చేస్తున్నట్లు జిల్లా ఎన్నికల అధికారి, కలెక్టర్ టి. వినయ్ కృష్ణారెడ్డి శనివారం ప్రకటించారు. ఎన్నికల ప్రక్రియ పూర్తయిన తర్వాత ప్రజావాణి కార్యక్రమం యథావిధిగా కొనసాగుతుందని ఆయన తెలిపారు.
News November 29, 2025
సిరిసిల్ల: ‘ప్రతీకారం కోసమే నరసయ్యను చంపారు’
తండ్రిని చంపాడన్న కక్షతోనే మాజీ నక్సలైట్ బల్లెపు నరసయ్య @ సిద్దయ్యను జక్కుల సంతోష్ అనే వ్యక్తి హత్య చేసినట్లు వేములవాడ ఇన్చార్జి DSP నాగేంద్రచారి వెల్లడించారు. ప్రధాన నిందితుడు జక్కుల సంతోష్ ను పోలీసులు శనివారం నాడు రిమాండ్ కు తరలించారు. 1999లో అజ్ఞాతంలో ఉన్న నరసయ్య వీర్నపల్లి గ్రామానికి చెందిన అంజయ్యను ఇన్ఫార్మర్ నెపంతో చంపిన విషయం నిర్ధారణ కావడంతో ప్రతీకారం కోసం నరసయ్యను చంపినట్లు తెలిపారు.
News November 29, 2025
ఎన్నికలు ప్రశాంతంగా నిర్వహించాలి: సీపీ విజయ్
స్థానిక ఎన్నికలు ప్రశాంత వాతావరణంలో జరిగేలా అందరూ సహకరించాలని సిద్దిపేట పోలీస్ కమిషనర్ విజయ్ కుమార్ సూచించారు. మోడల్ కోడ్ ఆఫ్ కండక్ట్ నేపథ్యంలో సభలు, ప్రచార వాహనాలు, ర్యాలీలు, సమావేశాల నిర్వహణకు ముందస్తు అనుమతులు తప్పనిసరిగా తీసుకోవాలన్నారు. నిబంధనలు ఉల్లంఘిస్తే ఎన్నికల కమిషన్ ఆదేశాల మేరకు కఠిన చర్యలు తీసుకుంటామని హెచ్చరించారు.