News May 1, 2024
MI చెత్త ప్రదర్శనకు గ్రూపులే కారణం: క్లార్క్
ముంబై వరుస ఓటములకు ఆ టీమ్లో చీలికే కారణమని ఆస్ట్రేలియా మాజీ క్రికెటర్ మైఖేల్ క్లార్క్ అభిప్రాయపడ్డారు. ‘ముంబై ఆటగాళ్లు కలిసిమెలిసి ఉండట్లేదు. వారంతా రెండు గ్రూపులుగా ఉన్నారు. ఒక టీమ్గా ఆడట్లేదు. మంచి ప్లేయర్లు ఉన్న టీం ఇంత చెత్తగా ఆడుతుందంటే అదే కారణం. బుమ్రా, రొమారియో షెఫర్డ్ ఒంటరి పోరాటంతోనే ఈ సీజన్లో ముంబై మూడు మ్యాచ్లు గెలిచింది’ అని క్లార్క్ తెలిపారు.
Similar News
News March 4, 2026
4 నెలల బాబుకు ప్రాణం పోశారు!
TG: ఆరోగ్య సమస్యలు, తక్కువ బరువు(2.8kgs)తో కొత్తగూడెం జిల్లా ప్రభుత్వ ఆస్పత్రిలో చేరిన 4నెలల బాబు ప్రాణాలను డాక్టర్లు కాపాడారు. కాలిన గాయాలు, రక్తహీనత, శ్వాస సమస్యలతో బాధపడుతున్న మడకం శివ అనే చిన్నారిని కుటుంబ సభ్యులు ఆస్పత్రికి తీసుకొచ్చారు. 36 రోజుల చికిత్స తర్వాత బాలుడి బరువు 4.25kgsకి పెరిగింది. ప్రస్తుతం కోలుకుంటున్నాడు. చిన్నారికి మెరుగైన చికిత్స అందించిన డాక్టర్లపై ప్రశంసలొస్తున్నాయి.
News March 4, 2026
సౌదీపై దాడులు వద్దు.. ఇరాన్కు పాక్ వార్నింగ్!
గల్ఫ్ దేశాలపై దాడులు చేస్తున్న ఇరాన్కు పాకిస్థాన్ వార్నింగ్ ఇచ్చింది. సౌదీ అరేబియాపై దాడులు చేయవద్దని చెప్పింది. సౌదీతో తమ రక్షణ ఒప్పందం గురించి గుర్తుచేసింది. తమకు వ్యతిరేకంగా సౌదీ భూభాగాన్ని ఉపయోగించకుండా చూడాలని ఇరాన్ తమకు చెప్పినట్లు పాక్ మంత్రి ఇషాక్ధర్ వెల్లడించారు. కాగా రెండు దేశాల్లో ఏ ఒక్కదానిపై దాడి జరిగినా రెండింటిపై జరిగినట్లుగా పరిగణించాలని సౌదీ-పాక్ <<17745790>>డీల్<<>> చేసుకున్న సంగతి తెలిసిందే.
News March 4, 2026
TPCC జాబితా: ఛాన్సు దక్కేదెవరికో!
TG: రాజ్యసభ సీటు కోసం INCలో పోటీ రసవత్తరంగా మారింది. రాష్ట్రం నుంచి సామాజిక వర్గాల వారీగా 16 పేర్లతో జాబితాను AICCకి పంపామని TPCC చీఫ్ మహేశ్ కుమార్ తెలిపారు. వారిని ఢిల్లీకి పిలిచి మాట్లాడో లేదా ఫోన్లోనే చర్చించో తుది నిర్ణయం తీసుకోవచ్చన్నారు. కాగా VH, వేం నరేందర్ రెడ్డి, జీవన్ రెడ్డి వంటి నేతలతో పాటు కొందరు ప్రముఖులనూ జాబితాలో చేర్చినట్లు తెలుస్తోంది. వీరిలో ఎవరికి ఛాన్సు దక్కుతుందో చూడాల్సిందే.