News April 3, 2025

GWL: ఈత సరదా.. ముగ్గురి ప్రాణం తీసింది!

image

ఈతకెళ్లి మునిగిపోయి ముగ్గురు మృతిచెందిన ఘటన నిన్న రాజోళి మండలంలో జరిగింది. ఏపీలోని కర్నూలు లక్ష్మీనగర్‌కు చెందిన సులేమాన్(47) కుటుంబంతో కలిసి సుంకేసులడ్యామ్‌కు వచ్చారు. కొడుకులు ఫర్హాన్(11), ఫైజాన్(9)లతో కలిసి సరదాగా ఈతకొట్టేందుకు దిగారు. ప్రమాదవశాత్తు కొడుకులిద్దరూ నీటిలో మునిగిపోయారు. గమనించిన తండ్రి కాపాడేందుకు వెళ్లగా, ఆయనా మునిగిపోయారు. పోలీసుల సహాయంతో మృతదేహాలను వెలికితీశారు.

Similar News

News November 29, 2025

అల్లూరి: ‘ఏజెన్సీ బంద్.. రేపు బస్ సర్వీసులు రద్దు’

image

ఏలేశ్వరం డిపో నుంచి ఆదివారం అడ్డతీగల, వై రామవరం, రాజవొమ్మంగి, నర్సీపట్నం, తాళ్లపాలెం, రేవళ్ళ వెళ్లే ఆర్టీసీ బస్ సర్వీసులను రద్దు చేశామని DM. సత్యనారాయణ శనివారం తెలిపారు. మావోయిస్టులు ఏజెన్సీ బంద్‌కు పిలుపునివ్వడంతో ఉన్నతాధికారుల సూచనలు మేరకు ఈ నిర్ణయం తీసుకున్నామని వెల్లడించారు. ప్రయాణికులు గమనించాలని కోరారు.

News November 29, 2025

భారీ వర్షాల హెచ్చరిక నేపథ్యంలో కలెక్టరేట్‌లో కంట్రోల్‌ రూం ఏర్పాటు

image

నైరుతి బంగాళాఖాతంలో ఏర్పడిన దిత్వా తుఫాన్ వాయుగుండంగా బలపడే అవకాశం ఉన్నందున కలెక్టరేట్లో కంట్రోల్ రూమ్ ఏర్పాటు చేసినట్లు జాయింట్ కలెక్టర్ మొగిలి వెంకటేశ్వర్లు ఒక ప్రకటనలో తెలిపారు. లోతట్టు ప్రాంతాలు, తీర ప్రాంతాల్లో నివసించే ప్రజలను అప్రమత్తంగా ఉండాలన్నారు. వర్షాల వలన ఇబ్బందులు తలెత్తితే కంట్రోలు రూం నెంబర్లు 0861 2331261, 7995576699 కు ఫోన్‌ చేసి సమాచారం ఇవ్వాలన్నారు.

News November 29, 2025

GNT: మినిస్టర్ లోకేశ్ గారూ.. వీసీ బాధ్యతలు చేపట్టేది ఎప్పుడు?

image

బెనారస్ హిందూ, బాందా వంటి ప్రముఖ కేంద్రీయ విశ్వవిద్యాలయాల్లో పరిపాలన అనుభవం ఉన్న ఆచార్య సామంతపూడి సత్యనారాయణ రాజును ANU వీసీగా అక్టోబర్ 8న ప్రభుత్వం నియమించింది. అయితే ఆయన ఇంతవరకూ బాధ్యతలు స్వీకరించలేదు. రెగ్యులర్ వీసీ వస్తే పరిపాలన గాడిన పడుతుందని భావించినా అలా జరగడం లేదు. అసలు ఆయన బాధ్యతలు ఎందుకు చేపట్టడం లేదనేది పెద్ద ప్రశ్నగా మిగిలింది. మంత్రి లోకేశ్ చొరవ తీసుకోవాలని విద్యార్థులు కోరుతున్నారు.