News March 14, 2025
GWL: మరమ్మత్తుల కంటే.. కొత్త మోటర్లు బెటర్.!

GWL జిల్లా వ్యాప్తంగా 255 గ్రామ పంచాయతీలు ఉన్నాయి. గ్రామాల్లో ప్రజలకు నీటి వసతి కల్పించడంలో గ్రామ పంచాయతీలు ముఖ్య పాత్ర నిర్వహిస్తున్నాయి. వేసవి కాలం మొదలైతే నీటి వనరులు అడుగంటి మోటర్లు స్టార్టర్లు పనిచేయవు. పాత వాటికీ మరమ్మతులు చేయించిన కొన్ని రోజులకే పాడౌతున్నాయి. జిల్లా అధికార యంత్రాంగం పదే పదే రిపైర్స్ అయ్యే వాటి స్థానంలో కొత్త మోటార్లు ఏర్పాటు చేస్తే బాగా ఉంటుందని ప్రజలు అభిప్రాయపడుతున్నారు.
Similar News
News November 30, 2025
రేపటి నుంచి ‘సావిత్రి మహోత్సవ్’

TG: మహానటి సావిత్రి 90వ జయంతి(DEC 6)ని పురస్కరించుకుని రేపటి నుంచి ‘సావిత్రి మహోత్సవ్’ పేరిట వేడుకలు నిర్వహించనున్నారు. హైదరాబాద్ రవీంద్ర భారతిలో డిసెంబరు 6 వరకు ఈ ఉత్సవాలు నిర్వహించనున్నట్లు సావిత్రి కుమార్తె విజయ చాముండేశ్వరి తెలిపారు. ఈ సందర్భంగా పాటల పోటీలు, సావిత్రి నటించిన చిత్రాలను ప్రదర్శిస్తారు. ఆఖరి రోజు మాజీ ఉప రాష్ట్రపతి వెంకయ్యనాయుడు ముఖ్య అతిథిగా వేడుకలకు హాజరవుతారని తెలిపారు.
News November 30, 2025
తెరపైకి దక్షిణ నెల్లూరు జిల్లా..!

స్లాంగ్, కల్చర్కు పూర్తి విభిన్నంగా ఉండే గూడూరును తిరుపతి జిల్లాలో కలిపారు. రాపూరు, కలువాయి, సైదాపురం సైతం ఇదే జిల్లాలో విలీనం చేయడాన్ని స్థానికులు వ్యతిరేకిస్తున్నారు. ‘రాయలసీమ వద్దు.. నెల్లూరు ముద్దు’ అనే నినాదంతో సోషల్ మీడియా వేదికగా ఉద్యమిస్తున్నారు. నెల్లూరులో కలిపి వీలు లేకుంటే.. గూడూరు కేంద్రంగా దక్షిణ నెల్లూరు జిల్లా ఏర్పాటు చేయాలని డిమాండ్ను అక్కడి ప్రజలు తెరపైకి తెచ్చారు.
News November 30, 2025
కోడేర్: అంగన్వాడీ టీచర్గా రాజీనామా.. సర్పంచ్గా పోటీ

కోడేరు మండలం సింగాయిపల్లి గ్రామానికి చెందిన అంగన్వాడీ టీచర్ హరిత సర్పంచ్గా పోటీ చేసేందుకు తన ఉద్యోగానికి రాజీనామా చేశారు. గ్రామానికి మంచి సేవ చేయాలని, అన్ని రంగాలలో అభివృద్ధి చేయాలనే ఉద్దేశంతో ఆమె ఈ నిర్ణయం తీసుకున్నారు. స్థానిక సంస్థల ఎన్నికల్లో భాగంగా ఈరోజు ఆమె సర్పంచ్ అభ్యర్థిగా నామినేషన్ దాఖలు చేశారు. ఆమె నిర్ణయాన్ని గ్రామస్థులు హర్షం వ్యక్తం చేశారు.


