News October 25, 2025
GWL: బీసీ రిజర్వేషన్లపై అఖిలపక్ష కమిటీ సమావేశం
బీసీలకు 42 శాతం రిజర్వేషన్లు కల్పించాలన్న డిమాండ్‌తో గద్వాల పట్టణంలో రేపు అఖిలపక్ష కమిటీ సమావేశం ఉంటుందని కమిటీ నాయకులు నాగర్ దొడ్డి వెంకట్రాములు శనివారం ప్రకటనలో పేర్కొన్నారు. తెలంగాణ జన సమితి కార్యాలయంలో సాయంత్రం 5:00 జరిగే సమావేశానికి బీసీ సంఘాలు, అఖిలపక్ష కమిటీ నేతలు తప్పక హాజరు కావాలన్నారు. బీసీల రిజర్వేషన్లు సాధనే లక్ష్యంగా భవిష్యత్తు కార్యాచరణ రూపొందించాల్సి ఉంటుందన్నారు.
Similar News
News October 26, 2025
మెదక్: కనుమరుగైన కళాకారులు
ఒకప్పుడు నాటకాలకు పేరుగాంచిన మెదక్ జిల్లా ఇప్పుడు కళాకారులే కరవయ్యారు. ఉమ్మడి మెదక్ జిల్లా వ్యాప్తంగా కళాకారులు అధిక సంఖ్యలో ఉండేవారు. టీవీ, మొబైల్స్ రావడం వల్ల నాటి కళలకు ఆధరణ లేకుండాపోయింది. ఒకప్పుడు గ్రామ ప్రధాన కూడలి వద్ద భజనలు, నాటకాలు వేసేవారు. ఇప్పుడు వాటికి ఆదరణ లేక కనుమరుగైపోయాయి. దీంతో ఆ కళాకారులు ఇతర వృత్తుల వైపు వెళ్లారు. దీనిపై మీ అభిప్రాయం ఏంటో కామెంట్ చేయండి.
News October 26, 2025
కరీంనగర్: వస్తే SHOP.. పోతే రూ.3లక్షలు..!
మద్యం షాపుల లైసెన్సుల అదృష్టం ఎవర్ని వరిస్తుందో రేపు తేలనుంది. కొందరు సెంటిమెంట్‌తో దేవుళ్ల పేర్లతో అప్లై చేశారు. అయితే అవి ఏమాత్రం తమ లక్కీడోర్‌ను ‘KNOCK’ చేస్తాయోనని చూస్తున్నారు. కాగా, ఉమ్మడి KNRలో 287 షాపులకు 7600 వరకు దరఖాస్తులు వచ్చాయి. దీంతో ప్రభుత్వానికి రూ.228 కోట్ల ఆదాయం సమకూరింది.
* KNR- 94 షాపులకు 2730 అప్లికేషన్లు
* JGTL- 71 షాపులకు 1966
* PDPL- 74 షాపులకు 1488
* SRCL- 48 షాపులకు 1381
News October 26, 2025
ఈనెల 27న మద్యం దుకాణాలు కేటాయింపు: కలెక్టర్
నూతన మద్యం పాలసీ 2025- 27లో భాగంగా ఈనెల 27వ తేదీన ఉదయం 10 గంటలకు ASF జిల్లా కేంద్రంలోని సమీకృత జిల్లా కలెక్టరేట్‌లో లాటరీ పద్ధతి ద్వారా మద్యం దుకాణాల కేటాయింపు ప్రక్రియ నిర్వహించడం జరుగుతుందని కలెక్టర్ వెంకటేశ్ ధోత్రే ఒక ప్రకటనలో తెలిపారు. దరఖాస్తుదారులు/ అధీకృత వ్యక్తులు సకాలంలో కార్యక్రమానికి హాజరు కావాలని ఆయన తెలిపారు.