News February 20, 2025
GWL: ‘స్ట్రాంగ్ రూమ్ వద్ద పటిష్ట భద్రత ఉండాలి’
ఎన్నికల సామాగ్రి ఉంచే స్ట్రాంగ్ రూమ్‌లో పటిష్ట భద్రత ఉండాలని గద్వాల కలెక్టర్ సంతోష్ పేర్కొన్నారు. రాజకీయ పార్టీల నేతలతో కలిసి కలెక్టర్ కార్యాలయ ఆవరణలోని స్ట్రాంగ్ రూమ్‌ను బుధవారం పరిశీలించారు. అక్కడి రికార్డులను పరిశీలించి, సీసీ కెమెరాలు పని చేసే విధానం గురించి ఆరా తీశారు. ఎన్నికల సంఘం ఆదేశం మేరకు సాధారణ తనిఖీలు నిర్వహించామని చెప్పారు. తహశీల్దార్ మల్లికార్జున్, రెవెన్యూ సిబ్బంది పాల్గొన్నారు.
Similar News
News July 6, 2025
HYD: విద్యుత్ సమస్యలపై ప్రతి బుధవారం ముఖాముఖి
గ్రేటర్ HYD నగరం పరిధిలో ప్రతి బుధవారం ప్రజలతో ముఖాముఖి కార్యక్రమాలు నిర్వహించాలని ఎండి ముషారఫ్ అలీ ఆదేశించారు. విద్యుత్ శాఖ విభాగంలో ఆర్టిఫిషియల్ ఇంటలిజెన్స్ సైతం ఉపయోగించనున్నట్లు తెలిపారు. విద్యుత్ డిమాండ్, హెచ్చుతగ్గుల గుర్తింపు, అంతరాయాల నియంత్రణ కోసం ఈ సేవలు సైతం ప్రారంభం కానున్నాయి. స్థానికంగా విద్యుత్ సమస్యల పరిష్కారానికి తగిన చర్యలు తీసుకుంటున్నట్లు తెలిపారు.
News July 6, 2025
బిహార్‌ను క్రైమ్ క్యాపిటల్‌గా మార్చేశారు: రాహుల్ గాంధీ
BJP, CM నితీశ్ కలిసి బిహార్‌ను భారతదేశ క్రైమ్ క్యాపిటల్‌గా మార్చేశారని కాంగ్రెస్ అగ్రనేత రాహుల్ గాంధీ విమర్శించారు. పట్నాలో <<16949011>>గోపాల్ ఖేమ్కా హత్య<<>> ద్వారా ఇది మరోసారి రుజువైందన్నారు. ‘బిహార్‌లో నేరాలు సాధారణంగా మారినా అసమర్థ ప్రభుత్వం ఏం చేయట్లేదు. భద్రత ఇవ్వలేని వారికి మీ భవిష్యత్తును అప్పగించొద్దు. ఈసారి ప్రభుత్వాన్ని మార్చడానికి మాత్రమే కాదు.. బిహార్‌ను కాపాడేందుకు ఓటు వేయండి’ అని ట్వీట్ చేశారు.
News July 6, 2025
సిగాచీ ప్రమాదం.. 41కి చేరిన మృతుల సంఖ్య
TG: పాశమైలారం సిగాచీ ఫార్మా ప్రమాదంలో మృతుల సంఖ్య పెరుగుతోంది. తాజాగా జితేందర్ అనే వ్యక్తి ఆసుపత్రిలో చికిత్స పొందుతూ ప్రాణాలు విడిచారు. దీంతో మృతుల సంఖ్య 41కి చేరింది. మరో 11 మంది ఆచూకీ లభించలేదు. మరికొందరు ఆసుపత్రుల్లో చికిత్స పొందుతుండగా పలువురి పరిస్థితి ఆందోళనకరంగా ఉంది.