News June 3, 2024
హ్యాపీ సైకిల్ డే: చంద్రబాబు
AP: ప్రపంచ సైకిల్ దినోత్సవం సందర్భంగా శుభాకాంక్షలు చెబుతూ టీడీపీ అధినేత చంద్రబాబు నాయుడు ట్వీట్ చేశారు. ‘సైకిల్ తొక్కడం ఉత్తమ వ్యాయామం. శరీరాన్ని ఫిట్గా ఉంచడంలో సైక్లింగ్ ప్రముఖ పాత్ర పోషిస్తుంది. ప్రతి ఒక్కరూ సైకిల్ తొక్కడాన్ని కొనసాగించండి’ అంటూ ఆయన ట్వీట్ చేశారు. దీనికి తాను సైకిల్ తొక్కుతున్న ఫొటోను జతచేశారు. తెలుగుదేశం పార్టీ సింబల్ కూడా సైకిల్ అన్న విషయం తెలిసిందే.
Similar News
News October 10, 2024
రతన్ టాటాకు ఏపీ క్యాబినెట్ సంతాపం
పారిశ్రామిక దిగ్గజం రతన్ టాటాకు ఏపీ క్యాబినెట్ సంతాపం తెలిపింది. సీఎం చంద్రబాబు అధ్యక్షతన సమావేశమైన మంత్రివర్గం మౌనం పాటించి రతన్ టాటాకు నివాళి అర్పించింది. ఈ సందర్భంగా ఆయన సేవలను సీఎం కొనియాడారు. అనంతరం క్యాబినెట్ భేటీ ప్రారంభమైంది. సమావేశం ముగిసిన తర్వాత చంద్రబాబు, లోకేశ్ ముంబై వెళ్లి రతన్ టాటా భౌతికకాయానికి నివాళి అర్పించనున్నారు.
News October 10, 2024
ఇవి కూడా గర్భనిరోధక మార్గాలే
గర్భనిరోధక మార్గాల్లో ఎక్కువమందికి తెలిసింది కండోమ్లే. అయితే మరిన్ని సులువైన మార్గాలు కూడా అందుబాటులో ఉన్నాయని వైద్య నిపుణులు చెబుతున్నారు. బ్యాండ్ ఎయిడ్ తరహాలో అత్యంత సులువుగా చేతికి అంటించుకునేవి కూడా వీటిలో ఉన్నాయి. ఇది హార్మోన్లను నియంత్రించడం ద్వారా గర్భం దాల్చకుండా చేస్తుంది. ఇక సెర్వికల్ క్యాప్, వెజైనల్ రింగ్, IUD, పిల్స్ వంటివి కూడా గర్భనిరోధకాలుగా పనికొస్తాయని వివరిస్తున్నారు.
News October 10, 2024
టాటా ఎప్పటికీ నా గుండెల్లోనే: ముకేశ్ అంబానీ
పారిశ్రామిక దిగ్గజం రతన్ టాటా మృతితో బిలియనీర్ ముకేశ్ అంబానీ ఎమోషనల్ అయ్యారు. ‘టాటా మరణం ఆయన కుటుంబానికే కాదు, దేశానికే తీరని లోటు. ప్రపంచంలోనే అత్యుత్తమమైన వాటిని భారత్కు తీసుకువచ్చారు. టాటాలోని గొప్పతనం, మానవతా విలువలు ఆయనపై మరింత గౌరవం పెంచాయి. నేను ఓ మంచి స్నేహితుడిని కోల్పోయా. టాటా ఎప్పటికీ నా హృదయంలోనే ఉంటారు. రిలయన్స్ తరఫున ఆయన కుటుంబసభ్యులకు నా ప్రగాఢ సానుభూతి’ అని ముకేశ్ పేర్కొన్నారు.