News August 4, 2024
ఈ నెల 9 నుంచి 15 వరకు ‘హర్ ఘర్ తిరంగా’
దేశంలోని ప్రతి ఒక్కరూ ఆగస్టు 9 నుంచి 15వ తేదీ వరకు తమ ఇళ్ల వద్ద త్రివర్ణ పతాకాన్ని ఎగురవేయాలని కేంద్ర హోంమంత్రి అమిత్‌షా పిలుపునిచ్చారు. ‘హర్ ఘర్ తిరంగా’ ప్రచారంలో ప్రతి ఒక్కరూ పాల్గొనాలని విజ్ఞప్తి చేశారు. త్రివర్ణ పతాకంతో దిగిన సెల్ఫీలను హర్ ఘర్ తిరంగా వెబ్‌సైటులో అప్‌లోడ్ చేయాలని ఆయన కోరారు. ప్రధాని మోదీ గతంలో ప్రారంభించిన ఈ ప్రచారం పెద్ద ఉద్యమంగా మారిందని షా అభిప్రాయపడ్డారు.
Similar News
News November 30, 2025
WGL: రూ.8 లక్షలు పలికిన స్థానాలు?
WGL జిల్లా వర్ధన్నపేట మండలం రామోజీ కుమ్మరిగూడెం తండా, చంద్రు తండాలు ఏకగ్రీవాలుగా నిలిచాయి. పదవుల పంపకాలు, వాటి మూల్యాల ఒప్పందాలు సైతం ముగిశాయి. రామోజీ తండా సర్పంచ్ భూక్యా సుశీల, ఉప సర్పంచ్‌గా భూక్యా తిరుపతి కాగా, చంద్రు తండాలో సర్పంచ్‌గా భూక్యా నీలా, ఉప సర్పంచ్‌గా మాలోతు నెహ్రూలను ఎంపిక చేసుకున్నారు. గ్రామాల అభివృద్ధికి ఇద్దరు తలా రూ.8 లక్షలు ఇచ్చేలా తీర్మానం చేసుకున్నట్లు విశ్వసనీయ సమాచారం.
News November 30, 2025
ఈ కలుపు మందులతో వయ్యారిభామ నిర్మూలన
వయ్యారిభామ నిర్మూలనకు పంట మొలకెత్తక ముందు అట్రాజిన్ రసాయన మందును లీటర్ నీటికి నాలుగు గ్రాములు కలిపి పిచికారీ చేయాలి. పంట మొలకెత్తిన 15 నుంచి 20 రోజులకు.. లీటరు నీటికి 2 గ్రాముల 2,4-డి సోడియం సాల్ట్ కలిపి పిచికారీ చేయాలి. బంజరు భూముల్లో లీటరు నీటికి 5 గ్రాముల అట్రాజిన్ మందు కలిపి పిచికారీ చేసి వయ్యారిభామను నివారించవచ్చు. కలుపు నివారణ మందులను పిచికారీ చేసేటప్పుడు పక్క పంటలపై పడకుండా జాగ్రత్తపడాలి.
News November 30, 2025
కల్తీ నెయ్యి కేసు.. మరో 12 మంది నిందితులు
AP: కల్తీ నెయ్యి కేసులో మరో 12 మంది అధికారులను నిందితులుగా చేర్చుతూ సిట్ నెల్లూరు ఏసీబీ కోర్టులో మెమో దాఖలు చేసింది. ఈ విషయం ఆలస్యంగా వెలుగులోకి వచ్చింది. వారిలో టీటీడీ ప్రొక్యూర్‌మెంట్ విభాగం మాజీ జీఎం సుబ్రహ్మణ్యం ఇప్పటికే అరెస్టయ్యారు. మిగతా వారిలో ఆరుగురు టీటీడీ అధికారులు, ఐదుగురు డెయిరీ నిపుణులున్నారు. ప్లాంట్లు తనిఖీ చేయకుండానే లంచాలు తీసుకుని అనుకూల నివేదికలు ఇచ్చారని సిట్ ఆరోపించింది.