News July 21, 2024
HATSOFF: పగలు ప్రెసిడెంట్.. రాత్రుళ్లు కాటికాపరి!
తమిళనాడుకు చెందిన ఆయన పేరు అరుణాచలం. కాటికాపరి పని వారికి తరతరాల కులవృత్తి. ఇప్పుడాయన మాతూర్ పంచాయతీ అధ్యక్షుడు. అయినా కులవృత్తిని వీడలేదు. పంచాయతీ పెద్దనన్న గర్వంలేదు. పగలు గంజి పెట్టిన ఖద్దరు దుస్తుల్లో ఊరికోసం తపిస్తూ, రాత్రుళ్లు తువ్వాలు భుజాన వేసుకుని కాటికాపరిగా పనిచేస్తున్నారు. అనాథ శవాలకు సొంత ఖర్చులతో అంత్యక్రియలు చేస్తున్నారు. దీంతో ఆయన పట్ల సర్వత్రా ప్రశంసలు వ్యక్తమవుతున్నాయి.
Similar News
News December 7, 2025
NZB:16 కిలోమీటర్ల LT కండక్టర్ వైరు చోరీ
నిజామాబాద్ శివారులోని గూపన్పల్లి ప్రాంతంలో TSNPDCLకు సంబంధించిన LT కండక్టర్ వైర్ను దుండగులు దొంగిలించినట్లు రూరల్ SHO శ్రీనివాస్ తెలిపారు. అశోక వెంచర్ LOB ఎలక్ట్రిసిటీ అధికారులు పరిశీలించగా SS 55/25 నుంచి SS 56/25 వరకు KVDRల నుంచి సుమారు 16 కిలోమీటర్ల LT కండక్టర్ వైర్ను కత్తిరించినట్లు గుర్తించారు. దీంతో ఎలక్ట్రిసిటీ అధికారుల ఫిర్యాదు మేరకు కేసు నమోదు చేసినట్లు SHO పేర్కొన్నారు.
News December 7, 2025
‘EU’ని రద్దు చేయాలి: ఎలాన్ మస్క్
యూరోపియన్ కమిషన్ ‘X’కు 140 మిలియన్ డాలర్ల <<18483215>>ఫైన్<<>> విధించడంపై ఆ సంస్థ అధినేత ఎలాన్ మస్క్ తీవ్రంగా స్పందించారు. ‘యూరోపియన్ యూనియన్ను రద్దు చేయాలి. సార్వభౌమాధికారాన్ని దేశాలకు తిరిగి ఇవ్వాలి. తద్వారా ప్రభుత్వాలు తమ ప్రజలకు బాగా ప్రాతినిధ్యం వహించగలుగుతాయి’ అని పేర్కొన్నారు. ఈ కామెంట్స్ను ఓ యూజర్ షేర్ చేయగా.. ‘నా ఉద్దేశం అదే.. నేను తమాషా చేయట్లేదు’ అని పునరుద్ఘాటించారు.
News December 7, 2025
డిసెంబర్ 07: చరిత్రలో ఈ రోజు
1792: భారత్లో పోలీసు వ్యవస్థను ప్రవేశపెట్టిన ఈస్ట్ ఇండియా కంపెనీ
1896: తొలితరం స్వాతంత్ర్య సమరయోధుడు కన్నెగంటి సూర్యనారాయణమూర్తి జననం
1975: డైరెక్టర్ సురేందర్ రెడ్డి జననం
2013: హాస్యనటుడు ధర్మవరపు సుబ్రహ్మణ్యం(ఫొటోలో) మరణం
*భారత సాయుధ దళాల పతాక దినోత్సవం
*అంతర్జాతీయ పౌర విమానయాన దినోత్సవం