News April 5, 2025
పిల్లల్ని కనడం బాగానే ఉన్నా.. పెంచడమెలా?
ముగ్గురు వద్దు, ఒక్కరే ముద్దు! ఒకప్పటి నినాదం ఇది. కానీ ఇప్పుడు ముగ్గురు ముద్దు, కనీసం ఇద్దరినైనా కనండంటూ CMలే సెలవిస్తున్నారు. మానవ వనరులు తగ్గి అభివృద్ధిలో వెనుకబడుతున్నామంటున్నారు. అయితే పిల్లల్ని కనడం బాగానే ఉన్నా పెంచడమెలా అని తల్లిదండ్రులు ప్రశ్నిస్తున్నారు. తినే తిండి నుంచి విద్య, వైద్యం వరకు అన్నింటి ధరలు పెరిగి పెను భారమైన వేళ ఒకరికి మించి కని, పెంచే స్తోమత లేదని వాపోతున్నారు. మీరేమంటారు?
Similar News
News December 4, 2025
ఇతిహాసాలు క్విజ్ – 86 సమాధానాలు
ఈరోజు ప్రశ్న: పార్వతీ దేవి అవతారంగా, శక్తి స్వరూపిణిగా, విష్ణుమూర్తి సోదరిగా పరిగణించబడే, ఈశ్వరుడు వివాహం చేసుకున్న దేవత ఎవరు? అలాగే, ఆమెకు తమిళనాడులో ఒక ప్రసిద్ధ ఆలయం కూడా ఉంది. ఆమెతో పాటు ఒక పచ్చ చిలుక కూడా కనిపిస్తుంది.
సమాధానం: మధుర మీనాక్షి అమ్మవారు. ఈ దేవత ఆలయం తమిళనాడు రాష్ట్రంలోని మధురలో ఉంది.
<<-se>>#Ithihasaluquiz<<>>
News December 4, 2025
బొగ్గు గనుల నుంచి విష వాయువులు
ఝార్ఖండ్లోని ధన్బాద్ జిల్లా కేందౌది బస్తీ ప్రాంతంలోని బొగ్గు గనుల నుంచి విష వాయువులు వెలువడుతున్నాయి. ఇప్పటికే స్థానికంగా ఒక మహిళ మరణించగా 12 మంది అస్వస్థతకు గురయ్యారు. దీంతో అధికారులు ఆ ప్రాంతంలోని 1000 మందిని సురక్షిత ప్రాంతాలకు తరలించారు. డేంజర్ జోన్లో ఉన్న ఇతర ప్రాంతాలకు తరలివెళ్లాలని సూచించారు. 3 అంబులెన్సులను ఈ ప్రాంతంలో అందుబాటులో ఉంచినట్లు తవ్వకాలు జరుపుతున్న BCCL ప్రతినిధి తెలిపారు.
News December 4, 2025
రేపు పిడుగులతో కూడిన వర్షాలు
AP: రాష్ట్రంలోని పలు జిల్లాల్లో రేపు వర్షాలు కురిసే అవకాశం ఉందని APSDMA తెలిపింది. ప్రకాశం, శ్రీసత్యసాయి, కడప, చిత్తూరు, తిరుపతి జిల్లాల్లో పిడుగులతో కూడిన తేలికపాటి నుంచి మోస్తరు వర్షాలు పడవచ్చని పేర్కొంది. ప్రజలు అప్రమత్తంగా ఉండాలని సూచించింది. అటు ఇవాళ సాయంత్రం 5 గంటల నాటికి తిరుపతి(D) చిట్టమూరులో 88.5mm, చింతవరంలో 81mm, నెల్లూరులో 61mm, పాలూరులో 60mm వర్షపాతం నమోదైనట్లు పేర్కొంది.