News December 31, 2024
పెళ్లికి అంగీకరించలేదని జిలెటిన్ స్టిక్తో పేల్చుకున్నాడు

పెళ్లికి ప్రియురాలి ఫ్యామిలీ అంగీకరించలేదని ఓ యువకుడు జిలెటిన్ స్టిక్ పేల్చుకొని ఆత్మహత్య చేసుకున్నాడు. KAలోని మాండ్యకు చెందిన రామచంద్ర(21) కలేనహళ్లికి చెందిన యువతి ప్రేమించుకున్నారు. గతంలో ఇంటి నుంచి వెళ్లిపోయారు. ఆమె ఫ్యామిలీ ఫిర్యాదుతో రామచంద్ర 3 నెలలు జైలుకెళ్లాడు. విడుదలయ్యాక కూడా ప్రేమాయణం సాగించాడు. అయినా పెళ్లికి అంగీకరించలేదని అమ్మాయి ఇంటి ముందు తనువు చాలించాడు.
Similar News
News November 30, 2025
పామును చంపిన తర్వాత తలను ఎందుకు నలగగొడతారు?

పామును చంపాక దాని తలను నలగగొడుతుంటారు. ఎందుకని అడిగితే.. పాము కళ్లు హంతకుడిని గుర్తుంచుకుని, మరో జన్మలో పగ తీర్చుకుంటాయని చెబుతారు. కానీ, ఇది నిజం కాదు. దీని వెనుక ఓ శాస్త్రం ఉంది. పాము చనిపోయిన తర్వాత కూడా దాని తల కదలగలదు. దాడి చేయగలదు. అది కాటేస్తే మన ప్రాణాలు కూడా పోవచ్చు. అలాంటి ప్రమాదాలు జరగకుండా నివారించడానికి, దాని తలను పూర్తిగా నలగగొట్టాలని మన పెద్దలు సూచించారు.
News November 30, 2025
రోహిత్ శర్మ సిక్సర్ల రికార్డు

దక్షిణాఫ్రికాతో మ్యాచులో రోహిత్ శర్మ రికార్డు సృష్టించారు. ఈ మ్యాచులో ఇప్పటికే మూడు సిక్సర్లు బాదిన ఆయన వన్డేల్లో అత్యధిక సిక్సర్లు(352-269Inns) బాదిన ప్లేయర్గా రికార్డులకెక్కారు. ఆ తర్వాతి స్థానాల్లో పాక్ మాజీ ప్లేయర్ అఫ్రీది(351-369Inns), వెస్టిండీస్ దిగ్గజ బ్యాటర్ గేల్(331-294Inns) ఉన్నారు.
News November 30, 2025
థైరాయిడ్ పేషెంట్లకు ఆర్థరైటిస్ ముప్పు

థైరాయిడ్ పేషెంట్లు, గతంలో అబార్షన్ అయిన మహిళలకు ఆర్థరైటిస్ ముప్పు ఎక్కువని నిపుణులు చెబుతున్నారు. ఆకలి తగ్గడం, జ్వరం, నీరసం, బరువు తగ్గడం వంటి లక్షణాలు కనిపిస్తాయి. ప్రధానంగా కీళ్లలో నొప్పి, వాపు, ఎర్రగా అవడం, కదలిక తగ్గడం, ఇతర అవయవాలపై ప్రభావం చూపించడం జరుగుతుంది. దీనిని నయం చేయలేము గానీ మంచి ఆహారం, వ్యాయామం, మందుల ద్వారా తీవ్రతను తగ్గించుకోవచ్చని నిపుణులు చెబుతున్నారు.


