News October 14, 2025
1,064 కిలోల గుమ్మడికాయను పండించాడు
గుమ్మడికాయలు సాధారణంగా 3-5KGల బరువు ఉంటాయి. ఇంకా జాగ్రత్తగా పెంచితే 10-20KGల వరకు బరువు పెరగొచ్చు. కానీ కాలిఫోర్నియాలోని సాంట రోసాకు చెందిన బ్రాండన్ డ్వాసన్ ప్రత్యేక పద్ధతులతో 1,064 KGల గుమ్మడికాయను పండించారు. కాలిఫోర్నియాలో జరిగిన గుమ్మడికాయల ప్రదర్శన పోటీలో డ్వాసన్ విజేతగా నిలిచి 20 వేల డాలర్లు గెలుచుకున్నారు. ఇంజినీర్ అయిన డ్వాసన్ ఐదేళ్లుగా అతి పెద్ద గుమ్మడికాయలను సాగు చేస్తున్నారు.
Similar News
News October 14, 2025
సమాన వేతన హక్కు గురించి తెలుసా?
స్త్రీ, పురుషులెవరైనా ఒకే రకం పని చేస్తున్నప్పుడు పొందాల్సిన జీతభత్యాలూ ఇద్దరికీ ఒకేవిధంగా ఉండాలని సమాన వేతన చట్టం-1976 చెబుతోంది. పేమెంట్‌లో వ్యత్యాసం చూపడం చట్టవిరుద్ధం. హైరింగ్‌, ప్రమోషన్‌, ట్రైనింగ్‌లో మహిళలపై వివక్షతను తొలగించడానికి ఈ రూల్‌ తీసుకొచ్చారు. ఒక మహిళ తక్కువ వేతనం అందుతున్నట్లు భావిస్తే, ఆమె ప్రైవేట్/ ప్రభుత్వ రంగం.. ఎందులో పనిచేస్తున్నా చట్టబద్ధంగా సవాలు చేయవచ్చు. <<-se>>#womenlaws<<>>
News October 14, 2025
మానవ శరీరంలో అతిపెద్ద అవయవం ఇదే!
మానవ శరీరంలో పెద్దలకు 206, నవజాత శిశువుకు 306 ఎముకలుంటాయి. అలాగే ‘కండరాలు- 639, కిడ్నీలు-2, శిశువు దంతాలు- 20, పెద్దల దంతాలు-32, పక్కటెముకలు-24, అతిపెద్ద ధమని- బృహద్ధమని, సాధారణ రక్తపోటు- 120/80 mm hg, రక్త pH- 7.4, చిన్న కండరం- స్టెపిడియస్(6mm), అతిపెద్ద ఎముక- తొడ ఎముక, అతిపెద్ద అవయవం- చర్మం, అతిపెద్ద గ్రంథి- కాలేయం, కణాల అంచనా సంఖ్య- ~ 30 ట్రిలియన్లు, న్యూరాన్ల సగటు సంఖ్య: ~ 86B’ ఉంటాయి.
News October 14, 2025
5 ఛానళ్లను మూసివేస్తున్న MTV
90’s, 2000’sలో సంగీత ప్రియులను అలరించిన TV మ్యూజిక్ ఛానల్ MTV బ్రాడ్ కాస్ట్ సేవలను నిలిపివేస్తున్నట్లు ప్రకటించింది. ఈ ఏడాది డిసెంబర్ 31కల్లా MTV మ్యూజిక్, 80’s, 90’s, క్లబ్, లైవ్ ఛానళ్లను శాశ్వతంగా మూసివేస్తున్నట్లు పేర్కొంది. ఆడియన్స్ యూట్యూబ్, టిక్ టాక్, స్పాటిఫై వంటి ఇతర వేదికలకు మళ్లడంతో ఈ ఛానళ్లకు డిమాండ్ తగ్గినట్లు వెల్లడించింది. అయితే MTV ఛానెల్ మాత్రం ఉంటుందని తెలిపింది.