News January 30, 2025
ఈ జనరేషన్లో బెస్ట్ ప్లేయర్ అతనే: పాంటింగ్
టెస్టుల్లో 35వ సెంచరీ పూర్తి చేసుకున్న స్టీవ్ స్మిత్పై రికీ పాంటింగ్ ప్రశంసలు కురిపించారు. ఈ జనరేషన్లో అతడే బెస్ట్ ప్లేయర్ అని కొనియాడారు. అతడితో పాటు జో రూట్ (ENG), విలియమ్సన్(NZ) అత్యుత్తమంగా రాణిస్తున్నారని పేర్కొన్నారు. అయితే ‘ఫ్యాబ్ 4’ లిస్టులో ఉన్న విరాట్ కోహ్లీ పేరును ఆయన ప్రస్తావించకపోవడం గమనార్హం. గత 2, 3 ఏళ్లుగా టెస్టుల్లో పరుగులు చేయడంలో విరాట్ తడబడుతున్న సంగతి తెలిసిందే.
Similar News
News January 22, 2026
నేడు పల్నాడుకు రానున్న డిప్యూటీ సీఎం పవన్
డిప్యూటీ సీఎం పవన్ గురువారం ఉదయం 10:40 గంటలకు కోటప్పకొండ హెలిప్యాడ్ నుంచి త్రికోటేశ్వర స్వామి వారి ఆలయానికి రోడ్డు మార్గంలో బయలుదేరనున్నారు.11:00 గంటలకు త్రికోటేశ్వర స్వామి వారిని దర్శించుకుంటారు. అనంతరం 11:15 గంటలకు ఆలయం నుంచి బయలుదేరి, 11:35 గంటలకు రోడ్డు ప్రారంభోత్సవ కార్యక్రమంలో పాల్గొంటారు. తరువాత 11:45 గంటలకు ప్రారంభోత్సవ స్థలం నుంచి బయలుదేరి, 11:50 గంటలకు తిరిగిహెలిప్యాడ్కు చేరుకుంటారు.
News January 22, 2026
పాడేరు: ‘కాఫీ సాగు విస్తరణ పెంచే విధంగా చర్యలు’
జిల్లాలో కాఫీ సాగు విస్తరణ పెంచే విధంగా అధికారులు, క్షేత్ర సహాయ సిబ్బంది సమగ్రమైన ప్రణాళికలు రూపొందించాలని ఇన్ఛార్జి జాయింట్ కలెక్టర్ తిరుమణి శ్రీపూజ సిబ్బందిని ఆదేశించారు. బుధవారం పాడేరు ఐటీడీఏ కార్యాలయంలో నేడు సమావేశం నిర్వహించారు. కాఫీ పంట దిగుబడులను పెంచేందుకు, నాణ్యమైన కాఫీ పంట సాధించేందుకు సాంకేతికతను అందిపుచ్చుకోవాలన్నారు. ఆధునికమైన పద్ధతులను అవలంబించడంతో మంచి దిగుబడులను సాధించవచ్చన్నారు.
News January 22, 2026
HYD: PSకు రాకుండా కంప్లైంట్ ఇవ్వొచ్చు: సీపీ
నేర బాధితులకు సత్వర న్యాయం చేసేందుకు తెలంగాణ పోలీస్ విక్టిమ్ సెంట్రిక్ విధానాన్ని తెచ్చినట్లు HYD సీపీ సజ్జనార్ తెలిపారు. ఇకపై బాధితులు స్టేషన్కు రాకుండానే.. పోలీసులు ఇంటికే వచ్చి FIR నమోదు చేస్తారని చెప్పారు. అకారణంగా ఏ బాధితుడైనా పోలీస్ స్టేషన్కు తిరగాల్సి వస్తే.. సంబంధిత అధికారులే బాధ్యత వహించాల్సి ఉంటుందన్నారు. వాట్సాప్లో 94906 16555కు ఫిర్యాదు చేయొచ్చని సూచించారు.