News November 27, 2024
అతడు మహిళలకు అసభ్యకర ఫొటోస్ పంపేవాడు: దర్శన్
అభిమాని రేణుకాస్వామి హత్య కేసులో బెయిల్ పిటిషన్ సందర్భంగా కన్నడ నటుడు దర్శన్ కోర్టుకు కీలక విషయాలు వెల్లడించారు. ‘రేణుకాస్వామికి మహిళలంటే గౌరవం లేదు. గౌతమ్ అనే పేరుతో పవిత్ర గౌడతో పాటు మరికొందరు మహిళలకు తరచూ న్యూడ్ ఫొటోస్ పంపి వేధించేవాడు. అతడు సమాజానికి ముప్పుగా మారాడు’ అని దర్శన్ తరఫు లాయర్ కోర్టులో వాదనలు వినిపించారు. కాగా రేణుకాస్వామి హత్య కేసులో అరెస్టైన దర్శన్ ప్రస్తుతం జైలులో ఉన్నారు.
Similar News
News November 30, 2025
NTR-Neel వింటర్‌ నైట్ షూట్
పాన్ ఇండియా డైరెక్టర్ ప్రశాంత్ నీల్ దర్శకత్వంలో తెరకెక్కుతున్న హై-యాక్షన్ మూవీలో మ్యాన్ ఆఫ్ మాసెస్ NTR సరికొత్త లుక్‌లో కనిపించనున్నారు. ఇందుకోసం ఆయన ఎంతో శ్రమించి బరువు తగ్గారు. కొంతకాలం క్రితం NTR లుక్‌ను నీల్ ఫైనల్ చేసిన విషయం తెలిసిందే. దీంతో డిసెంబర్ మొదటి వారం నుంచి రామోజీ ఫిల్మ్ సిటీలో భారీ నైట్ షూట్ షెడ్యూల్‌ను టీమ్ ప్రారంభించబోతోంది. ఈ షెడ్యూల్‌ మూవీలో అత్యంత కీలకమని సమాచారం.
News November 30, 2025
సాయంత్రం 6.30 గంటలకు సీఎం ప్రెస్‌మీట్
TG: DEC 8, 9 తేదీల్లో హైదరాబాద్‌లో గ్లోబల్ సమ్మిట్ జరగనున్న నేపథ్యంలో CM రేవంత్ ఇవాళ 6.30PMకు ప్రెస్‌మీట్ నిర్వహించనున్నారు. సమ్మిట్ నిర్వహణతో పాటు పంచాయతీ ఎన్నికలపై మాట్లాడే అవకాశం ఉంది. ఇదే విషయమై ఆయన మంత్రులు, ఉన్నతాధికారులతో సమావేశం కానున్నారు. అటు గ్లోబల్ సమ్మిట్ నిర్వహణకు భారత్ ఫ్యూచర్ సిటీలో ప్రభుత్వం భారీగా ఏర్పాట్లు చేస్తోంది.
News November 30, 2025
తిరుపతిలోని SVIMSలో ఉద్యోగాలు
తిరుపతిలోని శ్రీ వేంకటేశ్వర ఇన్‌స్టిట్యూట్ ఆఫ్ మెడికల్ సైన్సెస్‌ 5 పోస్టులను భర్తీ చేస్తోంది. అర్హతగల వారు DEC 10న ఇంటర్వ్యూకు హాజరుకావొచ్చు. పోస్టును బట్టి MSc/BSc, PG (DMRIT)/ MSc(న్యూక్లియర్ మెడిసిన్ టెక్నాలజీ, మెడికల్ రేడియో ఐసోటోప్ టెక్నాలజీ, కెమిస్ట్రీ), PhDతో పాటు పని అనుభవం ఉండాలి. అభ్యర్థుల గరిష్ఠ వయసు 42ఏళ్లు. ఇంటర్వ్యూ, ఎక్స్‌పీరియన్స్ ఆధారంగా ఎంపిక చేస్తారు. svimstpt.ap.nic.in