News March 18, 2024
ఎల్బీ చేద్దామనుకుంటే బౌల్డ్ అయ్యాడు: అశ్విన్
ఇంగ్లండ్ టెస్టు సిరీస్‌లో 26 వికెట్లు తీసిన భారత స్పిన్నర్ అశ్విన్ ఓ కార్యక్రమంలో ఆసక్తికర విషయాలు వెల్లడించారు. ఈ సిరీస్‌ తొలి టెస్టులో ENG కెప్టెన్ స్టోక్స్ వికెట్ తీయడం ఎప్పటికీ మరిచిపోలేనని చెప్పారు. ఎల్బీ చేద్దామనే ఉద్దేశంతో బంతి వేస్తే బౌల్డ్ అయ్యాడని తెలిపారు. బజ్‌బాల్ దూకుడు ప్రదర్శించడంలో ఇంగ్లండ్ విఫలమైందని చెప్పారు. వారు ఇంకాస్త నాణ్యమైన క్రికెట్ ఆడితే బాగుండేదని అభిప్రాయపడ్డారు.
Similar News
News November 30, 2025
సచిన్ రికార్డు బ్రేక్ చేసిన కోహ్లీ
భారత స్టార్ క్రికెటర్ విరాట్ కోహ్లీ అంతర్జాతీయ క్రికెట్‌లో సంచలనం నమోదు చేశారు. దక్షిణాఫ్రికాతో మ్యాచులో శతకంతో ఒక ఫార్మాట్‌లో అత్యధిక సెంచరీలు బాదిన ప్లేయర్‌గా నిలిచారు. వన్డేల్లో కోహ్లీ 52 సెంచరీలు నమోదు చేశారు. టెస్టు ఫార్మాట్‌లో 51 సెంచరీలతో సచిన్ తర్వాతి స్థానంలో ఉన్నారు. కాగా మూడు ఫార్మాట్లలో కలిపి సచిన్ 100 శతకాలు నమోదు చేయగా, కోహ్లీ 83 సెంచరీలు చేశారు.
News November 30, 2025
మానసిక ఆరోగ్యం మెరుగవ్వాలంటే ఇలా చేయండి
నేటి డిజిటల్ యుగంలో పని ఒత్తిళ్లు, అనవసరపు ఆందోళనలతో మానసిక ఆరోగ్యం దెబ్బతింటోంది. ఇలా కాకుండా ఉండాలంటే పాత పుస్తకాలు, ముఖ్యంగా గతంలో మీకు బాగా నచ్చిన కథలు, నవలలు చదవాలని నిపుణులు చెబుతున్నారు. ఇవి ఒత్తిడిని తగ్గించడం, కంఫర్ట్, ఏకాగ్రతను పెంచుతాయి. అందుకే డిజిటల్ స్క్రీన్‌లకు కొంత విరామం ఇచ్చి, ప్రతిరోజూ కనీసం 30 నిమిషాలు మీ పాత, ఇష్టమైన పుస్తకాలను మళ్లీ చదవాలని సూచిస్తున్నారు.
News November 30, 2025
తుఫాన్ ఎఫెక్ట్.. రేపు 3 జిల్లాల్లో స్కూళ్లకు సెలవు
AP: దిత్వా తుఫాను నేపథ్యంలో రేపు <<18429654>>తిరుపతి<<>>తోపాటు నెల్లూరు, అన్నమయ్య జిల్లాలోనూ అధికారులు సెలవు ప్రకటించారు. అవసరాన్ని బట్టి అన్ని ప్రభుత్వ, ప్రైవేటు స్కూళ్లు, కాలేజీలు హాలిడే ఇవ్వాలని యాజమాన్యాలను ఆదేశించారు. కాగా ఇవాళ, రేపు భారీ నుంచి అతి భారీ వర్షాలు కురుస్తాయని IMD వెల్లడించింది. ప్రజలంతా అప్రమత్తంగా ఉండాలని హోంమంత్రి అనిత సూచించారు.