News April 3, 2024
పెన్షన్ల పంపిణీపై హైకోర్టులో నేడు విచారణ
AP: పెన్షన్ల పంపిణీ ప్రక్రియ నుంచి వాలంటీర్లను తొలగిస్తూ ఈసీ తీసుకున్న నిర్ణయంపై దాఖలైన పిటిషన్‌ను హైకోర్టు నేడు విచారించనుంది. ఈసీ ఆదేశాలను రద్దు చేస్తూ.. వాలంటీర్లతో పెన్షన్లు ఇప్పించేలా ఆదేశాలు ఇవ్వాలని పిటిషనర్ కోర్టును కోరారు. గతంలో వాలంటీర్లు ఇంటికొచ్చి పెన్షన్లు ఇచ్చేవారని.. తాజా ఆదేశాలతో సచివాలయాలకు వెళ్లి పెన్షన్లు తీసుకోవడం లబ్ధిదారులకు కష్టంగా మారిందని పిటిషనర్ వాదించారు.
Similar News
News January 4, 2025
‘హరిహరవీరమల్లు’ నుంచి బిగ్ అప్డేట్
పవర్‌స్టార్ పవన్ కళ్యాణ్ హీరోగా నటిస్తున్న ‘హరిహరవీరమల్లు’ మూవీ నుంచి ఓ బిగ్ అప్డేట్ వచ్చింది. ఈ నెల 6న ఉదయం 9.06 గంటలకు ఫస్ట్ సింగిల్ రిలీజ్ చేస్తున్నట్లు మేకర్స్ ప్రకటించారు. ‘మాట వినాలి’ అనే సాంగ్‌ను స్వయంగా పవన్ ఆలపించడం విశేషం. జ్యోతి కృష్ణ తెరకెక్కిస్తున్న ఈ మూవీలో నిధి అగర్వాల్ హీరోయిన్‌గా నటిస్తున్నారు. కీరవాణి మ్యూజిక్ అందిస్తున్నారు.
News January 4, 2025
పోలవరం ప్రభావంపై అధ్యయనానికి సీఎం రేవంత్ ఆదేశం
TG: ఏపీ ప్రభుత్వం నిర్మిస్తోన్న పోలవరం ప్రాజెక్టు వల్ల భద్రాచలంపై పడే ప్రభావాన్ని అధ్యయనం చేయించాలని సీఎం రేవంత్ రెడ్డి నిర్ణయించారు. ఇందుకోసం ఐఐటీ హైదరాబాద్ నిపుణుల సహకారం తీసుకోవాలని అధికారులను ఆదేశించారు. నెలరోజుల్లో సమగ్ర నివేదిక సిద్ధం చేయాలని సూచించారు. 2022లో గోదావరికి వచ్చిన వరదలతో భద్రాచలం ఆలయం ముంపునకు గురైందని తాజా సమీక్షలో అధికారులు సీఎంకు వివరించారు.
News January 4, 2025
ప్రపంచంలోనే అత్యంత వృద్ధ మహిళ కన్నుమూత
ప్రపంచంలోనే అత్యంత వృద్ధురాలు, జపాన్ మహిళ టోమికో ఇటూకా(116) కన్నుమూశారు. 2019 నుంచి ఈమెను ఒసాకా సిటీలోని నర్సింగ్ హోమ్‌లో ఉంచి పర్యవేక్షిస్తున్నారు. ఆరోగ్యం విషమించడంతో DEC 29న మరణించినట్లు అధికారులు ప్రకటించారు. 1908 మే23న ఒసాకాలో జన్మించిన ఈమెకు నలుగురు పిల్లలు, ఐదుగురు మనవళ్లు ఉన్నారు. స్పెయిన్‌కు చెందిన మరియా(117) గత ఏడాది మరణించడంతో ఇటూకా ఓల్డెస్ట్ మహిళగా గుర్తింపు పొందారు.