News July 27, 2024
శ్రీశైలం డ్యామ్‌కు భారీ వరద
శ్రీశైలం జలాశయంలోకి భారీ వరద ప్రవాహం కొనసాగుతోంది. జూరాల, సుంకేసుల ప్రాజెక్టుల నుంచి 3.55 లక్షల క్యూసెక్కుల ఇన్‌ఫ్లో వస్తోంది. దీంతో దిగువన ఉన్న నాగార్జున సాగర్‌కు 62,262 క్యూసెక్కుల నీటిని అధికారులు వదులుతున్నారు. డ్యామ్ పూర్తి స్థాయి నీటి సామర్థ్యం 215 టీఎంసీలు కాగా ప్రస్తుతం 121 టీఎంసీలకుపైగా నీరు నిల్వ ఉంది. కుడి, ఎడమ గట్లలో విద్యుత్ ఉత్పత్తి చేస్తున్నారు.
Similar News
News January 31, 2025
ఆ పోస్టులకు ఎత్తు నుంచి మినహాయింపు
AP: RTCలో 2016-19 మధ్యకాలంలో చనిపోయిన 16మంది కండక్టర్ల కుటుంబాల నుంచి కారుణ్య నియామకాల కింద నియమితులవనున్న అభ్యర్థులకు సర్కారు గుడ్ న్యూస్ చెప్పింది. వారికి ఎత్తు నిబంధనల్లో మినహాయింపునిస్తున్నట్లు ప్రకటించింది. ఈ మేరకు తాజాగా ఉత్తర్వులు జారీ చేసింది. నిబంధనల ప్రకారం 154 సెంటీమీటర్ల ఎత్తు ఉండాల్సి ఉండగా, ఆ ఎత్తు లేనివారిని ఇన్నాళ్లూ కొలువులకు తీసుకోలేదు. తాజా ఉత్తర్వులతో వారందరికీ ఊరట లభించనుంది.
News January 31, 2025
Stock Markets: లాభాల్లో దూసుకెళ్తున్నాయ్..
దేశీయ స్టాక్‌మార్కెట్లు భారీ లాభాల్లో కొనసాగుతున్నాయి. నిఫ్టీ 23,359 (+110), సెన్సెక్స్ 77,038 (+280) వద్ద ట్రేడవుతున్నాయి. బ్యాంకు, ఫైనాన్స్ షేర్లపై సెల్లింగ్ ప్రెజర్ ఉంది. ఆటో, ఐటీ, ఫార్మా, మీడియా, రియాల్టి షేర్లకు డిమాండ్ కనిపిస్తోంది. LT, ట్రెంట్, టాటా కన్జూమర్స్, టైటాన్, BEL టాప్ గెయినర్స్. ఎయిర్‌టెల్, ITC హోటల్స్, ICICI బ్యాంకు, బజాజ్ ట్విన్స్ టాప్ లూజర్స్. నిఫ్టీ ADV/DEC రేషియో 43:8.
News January 31, 2025
తెలంగాణ ఉద్యమానికి గద్దర్ ఊపిరిలూదారు: సీఎం రేవంత్
TG: గద్దర్ జయంతి సందర్భంగా సీఎం రేవంత్ ఆయనకు నివాళులు అర్పించారు. తన కలం, గళంతో గద్దర్ తెలంగాణ ఉద్యమానికి ఊపిరిలూదారని, సమాజంలో అసమానతలు, వివక్షలకు వ్యతిరేకంగా ఎలుగెత్తిన గొంతుక ఆయన అని స్మరించుకున్నారు. గద్దర్ జయంతిని ప్రభుత్వం అధికారికంగా నిర్వహించడంతో పాటు, ఆయన పేరిట నెలకొల్పిన అవార్డును కవులు, కళాకారులు, సినీ ప్రముఖులకు ప్రదానం చేయాలని నిర్ణయించిన విషయాన్ని గుర్తుచేశారు.