News December 9, 2024
ప్రభాస్ కోసం కథ రాసిన హీరో రిషబ్ శెట్టి?
‘కాంతార’ సినిమాతో సినీ ప్రపంచాన్ని షేక్ చేసిన కన్నడ నటుడు రిషబ్ శెట్టి, పాన్ ఇండియా స్టార్ ప్రభాస్ కోసం ఓ కథను రాసినట్లు సినీ వర్గాలు పేర్కొన్నాయి. హొంబలే ఫిల్మ్స్ నిర్మించనున్న చిత్రాల్లో ఒక దానికి కథను అందించారని, డైరెక్టర్ ఇంకా ఫైనల్ కాలేదని తెలిపాయి. కాగా, సదరు నిర్మాణ సంస్థ ప్రస్తుతం ప్రభాస్తో మొత్తం మూడు సినిమాలు తీస్తున్న విషయం తెలిసిందే.
Similar News
News December 15, 2025
నేటితో ముగియనున్న భవానీ దీక్షల విరమణ
AP: విజయవాడ ఇంద్రకీలాద్రిపై భవానీ దీక్షల విరమణ మహోత్సవం ఇవాళ్టితో ముగియనుంది. మరికాసేపట్లో యాగశాలలో మహాపూర్ణాహుతి కార్యక్రమం ప్రారంభం కానుంది. ఈ క్రమంలో తెల్లవారుజాము నుంచి ఇంద్రకీలాద్రికి దీక్షాధారులు భారీగా చేరుకుంటున్నారు. నిన్న ఒక్కరోజే 1.5 లక్షల మంది భక్తులు దుర్గమ్మను దర్శించుకున్నారని అధికారులు తెలిపారు. ఇరుముడిని సమర్పించేందుకు ప్రత్యేక కౌంటర్లు ఏర్పాటు చేశామని చెప్పారు.
News December 15, 2025
‘మౌంటెడ్ స్ప్రేయర్’తో ఎరువుల పిచికారీ సులభం
అందుబాటులోకి వస్తున్న ఆధునిక పరికరాలు సాగులో రైతు శ్రమను తగ్గిస్తున్నాయి. ప్రస్తుతం చాలా మంది రైతులు ‘మౌంటెడ్ స్ప్రేయర్’ అనే పరికరాన్ని వాడుతున్నారు. దీన్ని ట్రాక్టరుకు బిగించి ద్రవరూపంలో ఎరువులను పిచికారీ చేస్తున్నారు. దీంతో తక్కువ ఖర్చుతో, తక్కువ సమయంలో రోజుకు 20 ఎకరాల వరకు స్ప్రే చేయవచ్చు. దీన్ని వాడటం వల్ల కూలీల కొరతను అధిగమించడంతో పాటు మొక్కలకు కూడా సమపాళ్లలో ఎరువులు, మందులను అందించవచ్చు.
News December 15, 2025
సంస్కృతానికి 108కి ఏంటి సంబంధం?
హిందూ ధర్మంలో పవిత్ర సంఖ్యగా భావించే 108కి సంస్కృత భాషతో లోతైన సంబంధం ఉంది. సంస్కృత వర్ణమాలలో మొత్తం 54 అక్షరాలు ఉన్నాయి. ఈ ప్రతి అక్షరం స్త్రీ, పురుష.. రెండు శక్తులను సూచిస్తుంది. అలా 54 అక్షరాలు * 2 శక్తులు = మొత్తం 108 అవుతుంది. ఈ సంఖ్యతో మనకు ఎన్నో ప్రయోజనాలున్నాయని నమ్మకం. సూర్య నమస్కారాలు, ప్రార్థనలు, మంత్రాలను 108 సార్లు పఠిస్తే అత్యుతమ ఫలితాలుంటాయని శాస్త్రాలు చెబుతున్నాయి.