News July 10, 2024
హిట్ అండ్ రన్ కేసు.. నిందితుడికి 7రోజుల కస్టడీ
ముంబై హిట్ అండ్ రన్ కేసు నిందితుడు, శివసేన(శిండే) నేత రాజేశ్ షా కుమారుడు మిహిర్ షాకు కోర్టు 7 రోజుల పోలీస్ కస్టడీ విధించింది. దీంతో ఈనెల 16 వరకు పోలీసులు అతడిని విచారించనున్నారు. ఘటన తర్వాత మిహిర్ కారు నంబర్ ప్లేట్ను తొలగించాడని గుర్తించారు. అతడికి డ్రైవింగ్ లైసెన్స్ కూడా లేదని భావిస్తున్నారు. ఆయా విషయాలపై మిహిర్ను ప్రశ్నించనున్నారు. ఆదివారం మిహిర్ తన కారుతో ఢీకొట్టిన ఘటనలో ఓ మహిళ మరణించింది.
Similar News
News January 27, 2026
ఈయూతో డీల్.. వీటి ధరలు తగ్గుతాయి
ఇండియా-EU మధ్య ఫ్రీ ట్రేడ్ డీల్ <<18971975>>కుదిరిన<<>> విషయం తెలిసిందే. దీంతో EU దేశాల నుంచి వచ్చే 96.6% వస్తువులపై సుంకాలు ఉండవు/తగ్గుతాయి. పలు కార్లు, ఆలివ్ ఆయిల్, కివీస్, స్పిరిట్స్ (విస్కీ, వోడ్కా వంటివి), బీర్, వైన్, ప్రాసెస్డ్ ఫుడ్, ఫ్రూట్ జ్యూస్ ధరలు దిగొస్తాయి. ఈ డీల్తో 90%పైగా భారత ఉత్పత్తులకు యూరప్ మార్కెట్లో సుంకాలు ఉండవని తెలుస్తోంది. టెక్స్టైల్స్, కెమికల్స్, జువెలరీ రంగాలకు సపోర్ట్ దక్కనుంది.
News January 27, 2026
డీసీసీబీల్లోనూ యూపీఐ సేవలు
AP: రాష్ట్రంలోని అన్ని డీసీసీబీల్లో త్వరలోనే UPI సేవలు అందుబాటులోకి రానున్నాయి. ప్రయోగాత్మకంగా ఉమ్మడి పశ్చిమగోదావరి జిల్లాలోని సహకార బ్యాంకుల్లో నిన్న ఈ సేవలు ప్రారంభమయ్యాయి. దీంతో ఈ బ్యాంకుల్లో ఎక్కువగా ఖాతాలు కలిగిన రైతులకు ఎంతో ప్రయోజనం చేకూరనుంది. ఇకపై ఫోన్పే, గూగుల్ పే, పేటీఎం వంటి యాప్ల ద్వారా లావాదేవీలు నిర్వహించుకోవచ్చు. కాగా ప్రస్తుతం వాణిజ్య బ్యాంకుల్లోనే ఈ సేవలు ఉన్న విషయం తెలిసిందే.
News January 27, 2026
మంత్రులతో భేటీకి కారణమిదే: భట్టి
TG: మున్సిపల్ ఎన్నికల్లో GPల కంటే మెరుగైన ఫలితాలు వస్తాయని Dy.CM భట్టి విక్రమార్క అన్నారు. ప్రజాభవన్లో భేటీలో మంత్రులు పరిపాలన, ఎన్నికలకు సంబంధించి మాట్లాడారని చెప్పారు. సీఎం అందుబాటులో లేకపోవడంతో తనతో మాట్లాడి నిర్ణయాలు తీసుకున్నారని పేర్కొన్నారు. సీఎం, మంత్రులందరం సమష్టిగా పనిచేస్తున్నామన్నారు. సింగరేణిలో అవినీతి జరగలేదని, ఏమైనా అనుమానాలు ఉంటే లేఖ రాస్తే విచారణ చేయిస్తామని తెలిపారు.