News January 28, 2025
HNK: ప్రకృతి ప్రతిబింబానికి నేల నిలువుటద్దం..!
పచ్చని చెట్లు, పంటపొలాలు అంటే ఇష్టపడని వారు ఎవరుంటారు. పల్లెల్లో అలాంటి అందాలు చూడటానికి రెండు కళ్ళు సరిపోవు. HNK జిల్లా ధర్మసాగర్ మండలం ముప్పారం గ్రామ సమీపంలో సాయంకాల వేళ అందమైన దృశ్యం ఆవిష్కృతమైంది. పొలాల్లో ఉన్న తాటిచెట్ల ప్రతిబింబం ప్రకృతికి నిలువుటద్దమైంది. ఈ దృశ్యం స్థానికులను ఎంతో ఆకట్టుకుంది.
Similar News
News November 29, 2025
జగిత్యాల: సీనియర్ సిటిజెన్స్ ఆధ్వర్యంలో రాజ్యాంగ వారోత్సవాలు
తెలంగాణ ఆల్ సీనియర్ సిటిజెన్స్ అసోసియేషన్ జిల్లా శాఖ ఆధ్వర్యంలో రాజ్యాంగ ఆమోద వారోత్సవాలు నిర్వహించారు. జగిత్యాల జిల్లా అధ్యక్షులు హరి అశోక్ కుమార్ వివిధ సంఘాల ప్రతినిధులకు రాజ్యాంగ పుస్తకాలు అందజేశారు. ప్రతి ఇంటికి రాజ్యాంగ పుస్తకాన్ని ప్రభుత్వం అందించాలని, విద్యాసంస్థల్లో విద్యార్థి సంఘాల ఎన్నికలు నిర్వహించి ప్రజాస్వామ్యంపై అవగాహన పెంపొందించాలని కోరారు.
News November 29, 2025
వాట్సాప్‌ను నిషేధిస్తాం: రష్యా
మెసేజింగ్ యాప్ వాట్సాప్‌పై నిషేధం విధిస్తామని రష్యా హెచ్చరించింది. తమ చట్టాల ప్రకారం సర్వీసులు లేకుంటే పూర్తిగా బ్యాన్ చేస్తామని స్పష్టం చేసింది. చట్టాలను ఉల్లంఘిస్తోందని, నేరాల కట్టడిలోనూ సహకరించడంలేదని రష్యా స్టేట్ కమ్యూనికేషన్స్ వాచ్‌డాగ్ ‘Roskomnadzor’ ఆరోపించింది. టెర్రరిస్టు దాడులు చేసేందుకు యాప్‌ను దుర్వినియోగం చేస్తున్నారని చెప్పింది. యూజర్లు స్వదేశీ యాప్‌లను ఎంచుకోవాలని పేర్కొంది.
News November 29, 2025
దిత్వా తుఫాన్‌పై హోంమంత్రి సమీక్ష
బంగాళాఖాతంలో దిత్వా తుఫాన్ ఏర్పడిన నేపథ్యంలో శనివారం అమరావతి విపత్తుల నిర్వహణ సంస్థ కార్యాలయంలో హోం మంత్రి వంగలపూడి అనిత అధికారులతో సమీక్షించారు. తుఫాన్ తీవ్రతను ఎప్పటికప్పుడు అంచనావేసి ప్రభావిత జిల్లాలను అప్రమత్తం చేయాలని అధికారులను ఆదేశించారు. సహాయక చర్యలకు ఎస్‌డి‌ఆర్‌ఎఫ్, ఎన్‌డిఆర్‌ఎఫ్ బృందాలను సిద్ధం చేయాలన్నారు. సంబంధిత జిల్లాల కలెక్టర్లతో ఆమె ఫోన్లో మాట్లాడారు.