News December 15, 2024
హాకీ: నేడు భారత్, చైనా మధ్య ఫైనల్ మ్యాచ్
ఉమెన్స్ హాకీ జూనియర్ ఆసియా కప్-2024 టైటిల్ కోసం ఇవాళ జరిగే ఫైనల్ మ్యాచ్లో భారత్, చైనా జట్లు తలపడబోతున్నాయి. మస్కట్లో రాత్రి 8:30 గంటలకు మ్యాచ్ ప్రారంభం అవుతుంది. హాకీ ఇండియా యాప్లో లైవ్ చూడవచ్చు. కాగా నిన్న జపాన్తో జరిగిన సెమీ ఫైనల్లో భారత జట్టు 3-1 తేడాతో విజయం సాధించింది. మరో సెమీ ఫైనల్లో సౌత్ కొరియాపై చైనా 4-1 తేడాతో గెలిచింది.
Similar News
News December 2, 2025
నల్గొండ: మద్య నియంత్రణపై రాష్ట్రానికే ఆదర్శం..!
ఉమ్మడి నల్గొండ పరిధి మునుగోడు ఎమ్మెల్యే కోమటిరెడ్డి రాజగోపాల్ రెడ్డి సూచనల మేరకు నియోజకవర్గంలోని కొత్త వైన్ షాపులు ఊరి బయటే ఏర్పాటు చేసి మ.1 తర్వాతే విక్రయాలు కొనసాగిస్తున్నారు. సా.6 గంటల తర్వాత మాత్రమే పర్మిట్ రూములకు అనుమతి ఇస్తున్నారు. మద్యం టెండర్లు పొందిన యజమానులతో ఎమ్మెల్యే ప్రత్యేకంగా సమావేశమై బెల్ట్ షాపుల నిషేధం, మద్య నియంత్రణ, స్థానికులకు ప్రాధాన్యం వంటి మార్గదర్శకాలు ఇచ్చారు.
News December 2, 2025
IPLకు మరో స్టార్ ప్లేయర్ దూరం!
ఐపీఎల్-2026కు మరో స్టార్ ప్లేయర్ దూరమైనట్లు తెలుస్తోంది. ఈ నెలలో జరిగే మినీ వేలం కోసం ఆస్ట్రేలియన్ క్రికెటర్ గ్లెన్ మ్యాక్స్వెల్ రిజిస్టర్ చేసుకోలేదని సమాచారం. గత సీజన్లో మ్యాక్సీ పంజాబ్ తరఫున ఆడగా తిరిగి రిటైన్ చేసుకోని సంగతి తెలిసిందే. ఈ క్రమంలో ఆయన వచ్చే సీజన్ ఆడేది అనుమానమేనని క్రీడా వర్గాలు పేర్కొన్నాయి. ఇప్పటికే డుప్లెసిస్, రసెల్ వంటి స్టార్లు రిటైర్మెంట్ ప్రకటించిన సంగతి తెలిసిందే.
News December 2, 2025
మెంతులను ఎక్కువగా తీసుకుంటున్నారా?
మెంతులను తీసుకోవడం వల్ల ఎన్నో ఆరోగ్యప్రయోజనాలుంటాయని తెలిసిందే. కానీ గర్భిణులు వీటిని తీసుకోవడం వల్ల కొన్నిసార్లు అబార్షన్ కావడం, పుట్టే బిడ్డలో మాపుల్ సిరప్ యూరిన్ డిసీజ్ అనే జన్యు సంబంధిత సమస్య వస్తుందని నిపుణులు చెబుతున్నారు. అలాగే కొన్ని రకాల రొమ్ము క్యాన్సర్లలో ఈస్ట్రోజెన్ ఆధారిత కణితులను ఇది మరింత ప్రేరేపిస్తుందంటున్నారు. కాబట్టి వీటిని వాడేముందు వైద్యుల సలహా తప్పనిసరి అని సూచిస్తున్నారు.