News July 28, 2024
హోంమంత్రి రాజీనామా చేయాలి: విజయసాయి
AP: రాష్ట్ర హోంమంత్రి మాటలు కోటలు దాటుతున్నా చేతలు గడప దాటడం లేదని YCP MP విజయసాయిరెడ్డి విమర్శించారు. ‘బొల్లి మాటలతో కాలక్షేపం చేయడం వల్లనే రాష్ట్రం భయం గుప్పిట్లోకి వెళ్లిపోయింది. బయటకు వస్తే ఏమవుతుందో తెలియని దారుణ స్థితి ఉంది. దీనికి బాధ్యత వహించి హోంమంత్రి రాజీనామా చేయాలి. హత్యలు జరగకుండా చూడడంలో కూటమి ప్రభుత్వం విఫలమైంది. ప్రభుత్వ వైఫల్యంపై గవర్నర్ విచారణకు ఆదేశించాలి’ అని డిమాండ్ చేశారు.
Similar News
News November 29, 2025
నేడే లాస్ట్ డేట్
TG: తొలి విడత పంచాయతీ ఎన్నికల నామినేషన్ల గడువు నేటితో పూర్తి కానుంది. గురువారం నుంచి నామినేషన్లు స్వీకరిస్తుండగా నిన్న సర్పంచి పదవులకు 4,901 నామినేషన్లు వచ్చాయి. దీంతో మొత్తం నామపత్రాల సంఖ్య 8,198కు చేరింది. అటు మొన్న, నిన్న కలిపి వార్డు సభ్యులకు 11,502 నామినేషన్లు దాఖలైనట్లు అధికారులు వెల్లడించారు. తొలి విడతలో 4,236 సర్పంచ్, 37,440 వార్డులకు ఎన్నికలు జరగనున్నాయి.
News November 29, 2025
లక్ష్మీదేవికి ఇష్టం లేని, దారిద్ర్యం తెచ్చే పనులు
ఉదయాన్నే ఇల్లు, వాకిలి శుభ్రం చేయకపోవడం, సాయంత్రం సంధ్యా దీపం పెట్టకపోవడం, భోజనం చేసిన తర్వాత నోటిని శుభ్రం చేసుకోకపోవడం వంటి పనులు లక్ష్మీదేవికి ఇష్టం ఉండవని పండితులు చెబుతున్నారు. లేవగానే అరవడం, సరిగా వండని ఆహారాన్ని తినడం, తడిబట్టలతో భోజనం చేయడం, మంచం, కుర్చీలపై కూర్చొని భుజించడం కూడా అశుభం అంటున్నారు. ఇలాంటి పనులు ఇంటికి దారిద్ర్యాన్ని తెస్తాయని, అందుకే మానుకోవాలని సూచిస్తున్నారు.
News November 29, 2025
మీజిల్స్ మరణాల్లో 88% తగ్గుదల: WHO
మీజిల్స్(తట్టు)పై పోరాటంలో చాలా వరకు సఫలమైనట్లు WHO ప్రకటించింది. విస్తృత వ్యాక్సిన్ పంపిణీ వల్ల 24ఏళ్లలో మీజిల్స్ మరణాల్లో 88% తగ్గుదల నమోదైందని చెప్పింది. అంటే 59మిలియన్ చిన్నారుల ప్రాణాలు కాపాడినట్లు అయిందని తాజా నివేదికలో వెల్లడించింది. మరణాల్లో తగ్గుదల ఉన్నప్పటికీ కేసులు పెరుగుతున్నాయని పేర్కొంది. 2024లో ప్రపంచ వ్యాప్తంగా 84% మంది పిల్లలు వ్యాక్సిన్ ఫస్ట్ డోస్ తీసుకున్నట్లు వెల్లడించింది.