News January 31, 2025

ఘోరం: కన్నతండ్రిని కాల్వలోకి విసిరేశాడు!

కొడుకు పుట్టాడని పొంగిపోయి, కళ్లలో పెట్టుకుని పెంచుకొచ్చాడా తండ్రి. కానీ వయసైపోయాక ఆ తండ్రి దుర్మార్గపు కొడుక్కి భారమయ్యాడు. భార్య విసుక్కుంటోందని, నడవలేని ఆ తండ్రిని తీసుకెళ్లి కాల్వలో పడేసి హతమార్చాడు. పల్నాడు జిల్లాలోని ఈపూరు మండలంలో ఈ ఘోరం జరిగింది. ప్రత్యక్ష సాక్షుల వివరాల ప్రకారం మృతుడిని గంగినేని కొండయ్య(85)గా, సదరు కొడుకుని వెంకటేశ్వరరావుగా పోలీసులు గుర్తించి కేసు నమోదు చేశారు.