News April 8, 2024

‘మ్యాంగో’ పేరు ఎలా వచ్చిందంటే!

వేసవిలో మామిడి పండ్లపై మనసు పారేసుకోని వారు ఉండరు. ప్రపంచంలో సగానికి పైగా మన దేశమే ఉత్పత్తి చేస్తున్న ఈ మధుర ఫలాలకు 5 వేల ఏళ్ల చరిత్ర ఉంది. అయితే ‘మ్యాంగో’ అనే పేరు పోర్చుగీస్ పదం మాంగా నుంచి ఉద్భవించింది. ఆ దేశస్థులు 1498లో సుగంధ ద్రవ్యాల వ్యాపారం కోసం కేరళకు వచ్చేవారట. అక్కడ మామిడిని మన్నా అనే వారు. ఆ పేరు పలికేందుకు ఇబ్బందిగా ఉండటంతో వారు మాంగా అని పిలిచేవారు. దీని నుంచి మ్యాంగో ఉద్భవించిందట.