News March 22, 2024
దేశంలో రాజకీయ పార్టీలు ఎన్ని ఉన్నాయంటే?
దేశంలో దాదాపు 2600కు పైగా రాజకీయ పార్టీలు ఉన్నాయి. ఇందులో గుర్తింపు లేని పార్టీలే (2,597) ఎక్కువ. 57 స్టేట్ పార్టీలు, 6 జాతీయ పార్టీలు (BJP, కాంగ్రెస్, BSP, CPM, నేషనల్ పీపుల్స్ పార్టీ, AAP) ఉన్నాయి. 1951లో తొలి సార్వత్రిక ఎన్నికల్లో పోటీ చేసిన వాటిలో 14 జాతీయ పార్టీలుండగా, ఇప్పుడు లోక్‌సభ ఎన్నికల్లో 6 మాత్రమే పోటీలో ఉండనున్నాయి. అప్పటితో పోలిస్తే దేశంలో నేషనల్ పార్టీల సంఖ్య తగ్గింది.
Similar News
News December 28, 2024
నిధుల బదిలీతో నాకు సంబంధం లేదు: కేటీఆర్
TG: ఫార్ములా-ఈ రేసింగ్ కేసులో మాజీ మంత్రి కేటీఆర్ హైకోర్టులో కౌంటర్ అఫిడవిట్ దాఖలు చేశారు. ఒప్పందాల అమలు, డబ్బు చెల్లింపుతో తనకు సంబంధం లేదని, విధానపరమైన అంశాలు చూసే బాధ్యత తనది కాదని పేర్కొన్నారు. విదేశీ సంస్థకు నిధుల చెల్లింపులపై అనుమతుల బాధ్యత సంబంధిత బ్యాంక్‌దేనని తెలిపారు. చెల్లింపుల విషయంలో అన్ని అంశాలను HMDAనే చూసుకోవాలన్నారు.
News December 28, 2024
తండ్రి త్యాగానికి ఫలితం నితీశ్ సెంచరీ: ఎమ్మెస్కే
బాక్సింగ్ డే టెస్టులో నితీశ్ రెడ్డి సెంచరీ చేయడంతో సగటు తెలుగువాడిగా గర్విస్తున్నానని ఎమ్మెస్కే ప్రసాద్ తెలిపారు. ‘నితీశ్ నాకు 11 ఏళ్లప్పటి నుంచి తెలుసు. ఈ పదేళ్లలో అతడు ఎంతో కష్టపడ్డారు. ముఖ్యంగా అతడిని ఈ స్థానంలో నిలిపేందుకు నితీశ్ తండ్రి ఎన్నో త్యాగాలు చేశారు. తన ఉద్యోగం కూడా కోల్పోవాల్సి వచ్చింది. డబ్బులకు ఎంతో ఇబ్బంది పడ్డారు. చివరికి ఫలితం ఈ విధంగా రావడం సంతోషం’ అని ఎమ్మెస్కే తెలిపారు.
News December 28, 2024
గాజాలో ఆస్పత్రిని తగలబెట్టిన ఇజ్రాయెల్ సైనికులు
వెస్ట్ ఏషియా మళ్లీ రగిలిపోతోంది. ఇజ్రాయెల్ సైనికులు కమల్ అద్వాన్ ఆస్పత్రిలో ప్రవేశించి పేషంట్లు, వైద్యులను పంపించేశారు. ప్రాంగణంలో ఆయుధాలు, మందుగుండు సామగ్రి ఉందన్న సమాచారంతో దానిని తగలబెట్టేశారు. మరోవైపు యెమెన్ నుంచి హౌతీలు ప్రయోగించిన మిసైళ్లను IDF అడ్డుకుంది. సరిహద్దుకు బయటే కూల్చేసినా దేశంలో సైరన్లు మోగినట్టు ప్రకటించింది. గురువారం యెమెన్ విమానాశ్రయాలపై దాడికి నిరసనగా హౌతీలు ప్రతిదాడి చేశారు.